Është botuar në Fletoren Zyrtare vendimi për hapjen e pikës së kalimit kufitar në Aeroportin e Kukësit.
Kryeministri i vendit Edi Rama përmes një postimi në facebook mbrëmjen e djeshme bëri me dije se aeroporti do të quhet “Aeroporti Ndërkombëtar Zayed-Flatrat e Veriut”, por pa dhënë ndonjë shpjegim për domethënien e fjalës Zayed që është pjesë e emërtimit dhe në dukje duket si një fjalë arabe.
Ministria e Energjetikës dhe Infrastrukturës ka bërë me dije se aeroporti do të kryej fluturimin e parë më 18 Prill.
Vendimi i botuar në Fletoren Zyrtare
VENDIM Nr. 180, datë 25.3.2021
PËR HAPJEN E PIKËS SË KALIMIT KUFITAR NË AEROPORTIN E KUKËSIT
Në mbështetje të nenit 100 të Kushtetutës dhe të pikës 1, të nenit 8, të ligjit nr. 71/2016, “Për kontrollin kufitar”, të ndryshuar, me propozimin e ministrit të Brendshëm, Këshilli i Ministrave VENDOSI:1. Hapjen e pikës së kalimit kufitar në aeroportin e Kukësit për qarkullimin ndërkufitar ajror të shtetasve.2.
Ngarkohen Ministria e Brendshme, Ministria e Infrastrukturës dhe Energjisë, Ministria e Financave dhe Ekonomisë dhe Ministria e Bujqësisë dhe Zhvillimit Rural për zbatimin e këtij vendimi.
Ky vendim hyn në fuqi pas botimit në Fletoren Zyrtare.
ZËVENDËSKRYEMINISTËR Erion Braçe