Një fshat italian po shet shtëpi për më pak se 10,000 €, ku mund të zhvendoseni menjëherë. Një numër rajonesh në Itali kanë ofruar shtëpi për më pak se 1 € për të inkurajuar njerëzit të lëvizin në zonë.
Sidoqoftë, shumë prej tyre janë ndërtesa të shkatërruara pa energji elektrike ose ujë të rrjedhshëm, që do të thotë se blerësit përballen me një faturë të madhe për t’i kthyer ato në funksion.
Carrega Ligure, një fshat në veri të Italisë disa orë nga Milano, po ofron prona të lira që në të vërtetë janë gati për të jetuar. Katundi i vogël ka vetëm 90 banorë, me shtëpitë që variojnë nga 10,000 në 20,000 €, por blerësit mund të kenë gjithashtu taksa më të ulëta.
Një vilë dykatëshe 80 m2 e cila është rinovuar dhe përfshin një bodrum, ujë të rrjedhshëm dhe energji elektrike është në shitje për 14,000 €.
Pino Ballestrasse, i cili po shet pronën dikur në pronësi të gjyshërve të tij, tha për ‘CNN Travel’: “Kjo shtëpi, me mure të trasha guri, një bodrum të madh që dikur ishte stalla, dollapë dhe soba të ndërtuara dhe tavane prej druri, është mbi 100 vjeç”.
Jo vetëm kaq, por blerësit e ardhshëm gjithashtu mund të negociojnë çmime.
Latronico, një qytet në jugperëndim të Italisë, madje ka hedhur në treg një platformë në internet të quajtur “Your House in Latronico” për të ndihmuar blerësit.
Çmimet e shtëpive variojnë nga 10,000 deri në 30,000 €, por kushdo që mund të investojë 20,000 € në rinovime do të paguajë zero taksa për 10 vjet, thotë kryetari i Bashkisë.
Prona të paluajtshme për shitje përfshijnë një shtëpi dykatëshe me pamje panoramike, dhe dysheme dhe mure të sapodërtuara për 12,000 €, ndërsa një vilë e modernizuar prej guri në sheshin e qytetit është 32,000 €.
Fshati është i njohur si “fshati i mirëqenies” jo vetëm sepse nivelet e ndotjes janë afër zeros në zonë, por edhe për shkak të kompleksit lokal të banjës termike.
Burimi: Metro