Të dhënat tregojnë se vazhdon të jetë e qëndrueshme dhe mesatarisht 18 vjeç, mosha e raportit të parë seksual në të gjithë botën. India mban vendin e parë ku virgjëria ruhet deri në 22.9 vjeç, ndërsa skandinavët deri në 16,5 vjeç.
Pavarësisht zhvillimeve të jashtëzakonshme dhe ndryshimeve me të cilat po përjeton sot bota dhe veçanërisht të rinjtë, duket se disa gjëra nuk ndryshojnë aq lehtësisht.
Një prej tyre është edhe virgjëria, e cila vazhdon të ruajë statusin e vlerës në pjesën më të madhe të botës, për shkak se mosha e kryerjes për herë të parë të marrëdhënieve seksuale, duket se nuk ka ndryshuar shumë me kalimin e viteve, transmeton Telegrafi.
Uebsajti i famshëm i statistikave, “ChartsBin”, mbledh statistika nga më interesantet që vijnë nga e gjithë bota, duke u dhënë atyre që i konsultojnë një instrument për të kuptuar më mirë planetin tonë. Mes shumë temash mjaft interesante, ajo që të godet është edhe mosha mesatare në të cilën humbet virgjëria.
Statistikat që i përkasin moshës mesatare në të cilën bëhet dashuri për herë të parë janë mjaft interesante dhe të bëjnë të reflektosh. Nëse nga njëra anë tregojnë se virgjëria vazhdon të jetë ende një vlerë në pjesën më të madhe të botës.
Në Kanada, të rinjtë dhe të rejat jepen për herë të parë në moshën 18-vjeçare, moshë kjo në linjë me atë që parashikon ligji si moshë minimale për t’u martuar.
Por në Meksikë, çiftëzimi i parë ndodh në moshën mesatare 18,7 vjeç ndërsa ligji lejon martesën që 14 vjeç. Sa i përket Amerikës së Jugut, “ChartsBin” jep të dhëna vetëm për Brazilin dhe Kilin.
