Koronavirusi ka marrë një tjetër jetë nga radhët e “bluzave të bardha” në Shqipëri.
Spitali Bashkiak “Dr. Stefan Gjoni ” Krujë bën me dije se mjeku psikiatër, Përparim Pengili është ndarë nga jeta ditën e sotme për shkak të Covid-19.
Mjeku ka humbur jetën në moshën 72-vjeçare, ndërsa mësohet se ai prej ditësh ishte i shtruar në spitalin Infektiv në gjendje të rëndë.
Deri në shkurt ai ishte në krye të detyrës, por fatkeqësisht nuk e fitoi betejën me virusin vdekjeprurës.
