Dy ditë më parë policia e Tiranës, arriti të zbulonte një tjetër depo armësh, në rrugën “Xhanfize Keko” në Tiranë.
Raporton se arsenal i armëve është gjetur në një ambient në pronësi të Sokol Xhurës. Së fundmi ABC ka siguruar edhe foton e sokol Xhurës, ku në ambientet e godinës në pronësi të tij ishin fshehur armët e rënda.
Armët ishin izoluar në një dhomë në brendësi të murit. Është dashur ndërhyrja dhe shembja e këtij muri për të zbuluar më par armët e kalibrave të ndryshme, municione luftarake, lëndë plasëse të ndryshme, armë të kalibrave të ndryshëm me dylbi, etj.
Kujtojmë se më datë 1 Prill, policia arrestoi katër persona duke sekuestruar një arsenal tjetër të madh armësh në Tiranë, të cilat i përkisnin një grupi të njohur kriminal në kryeqytet.
