Një ditë më parë iu dha lamtumira e fundit Princit Philip. Bashkëshorti i Mbretëreshës Elizabeth II, ndërroi jetë pak ditë më parë në moshën 99-vjeçare.
Në ceremoninë e tij mortore morën pjesë 30 persona, kjo për shkak të kushteve të pandemisë së koronavirusit.
Teksa u fol gjatë për këtë ceremoni, së fundmi mediat e huaja shkruajnë se një grua “topless” është përpjekur të prishë ceremoninë e lamtumirës së Princit. Gruaja e cila ende nuk është identifikuar, është ndaluar nga policia, shkruan “The Reuters”.
“Shpëtoni planetin”, thërriste protestuesja e cila po vraponte. Madje ajo u përpoq gjithashtu që të ngjitej në statujën e Mbretëreshës Victoria të vendosur jashtë kishës.
