Kreu i grupit të PS, Taulant Balla ka deklaruar se vrasësi i Pjerin Xhuvanit në Elbasan është larguar nga vendi i ngjarjes nga vetë Gazment Bardhi.
Sipas Ballës, PD ka instaluar në Elbasan grupe paramilitare të cilat, sipas tij, po ushtrojnë terror.
“Prej dje, PD ka instaluar në Elbasan 3 furgona me paramilitarë. PO ushtrojnë dhunë dhe kanë ngritur postblloqe. I jam drejtuar policisë së shtetit në lidhje me këto struktura, që kanë edhe persona të armatosur. Jemi në situatën që është goditur jo vetëm ai që humbi jetën, por edhe një policë. Është në turpin e PD dhe Ilir Metës, të cilët duhet të kishin reaguar të pakten për punonjësen e policisë. Si ka mundësi që furgona me persona të armatosur lëvizin kaq lirë në Elbasan. Bardhi duhet të jetë person në hetim. Nën urdhrat e Gazment Bardhit një elbasanas autokton nuk jeton. Gazment Bardhi ka larguar vrasësin nga vendi i ngjarjes pa ndodhjes së krimit.”, deklaroi Balla në OPEN.