Deputeti socialist Taulant Balla ka reaguar menjëherë pas deklaratës së Gazment Bardhit për vrasjen në Elbasan.
Balla tha se PD nuk e dënoi ngjarjen, mori në mbrojtje vrasësin. Sipas Ballës, kanë qenë tre furgona me logot e PD-së, të mbushur me persona të armatosur që sot kanë terrorizuar qytetarët e lagjes “5 Maji” në Elbasan.
“Ajo që sapo dëgjuam është akti më i rëndë që një zyrtar i një partie politike merr në mbrojtje një vrasës. I bëj thirrje policisë dhe prokurorisë të zbardhë menjëherë ngjarjen, ka humbur jetën një elbasanas autokton. Sot u qëllua kundër policisë, dhe personi që ka qëlluar u mor në mbrojtje nga PD. Është një akt i rëndë, i inksenuar nga PD. Kanë ndaluar makinat në qarkullim i kanë bërë kontrollet e makinave. Sot kam njoftuar drejtorin e Policisë Elbasan për këta tre furgona që ndalonin njerëz, me armë madje dhe i kanë dhunuar”, deklaroi Balla në emisionin “Opinion”.