Analisti i Fjala.al, Frrok Çupi, ishte sot i ftuar në emisionin “Breaking” në Top News, ku komentoi humbjen e Partisë Demokratike në zgjedhjet e 25 prillit.
“Unë mendoj se kështu si në lëngatë do të shkojë jeta e Partisë Demokratike. Ky nuk do t’i njohë zgjedhjet, ose do t’i njohë më vonë”, tha Frroku.
Po nëse Basha jep dorëheqjen, ndoshta dhe gjërat ndryshojnë me dikë tjetër
Nuk jep dorëheqjen. Unë po them me këtë. E gjithë zhurma që thuhet se ka manipulime, ka krime, e tjerë, e tjerë, është e tëra zhurma për vete. Është njësoj si Monika, domethënë në filozofinë e Monikës
Për të mbrojtur veten?
Që mbron veten aty në PD, që do të thotë po të shkojë të hapë derën do të thotë ‘ore çke se po luftoj, edhe votat na i kanë vjedhur, pse kështu?’. e minimizova te një person.
E dyta, ajo parti nuk ka mjete për të hequr, për të shkarkuar. Partia Demokratike nuk është Parti Demokratike. Partia Demokratike ka rënë në Stalinizëm qysh pas ’96-ës. Është një parti staliniste, militare, pa pikën e demokracisë.
Të gjithë njerëzit që tentojnë demokraci atje, të tërë janë të zhveshur nga privilegjet. Tentojnë në mënyrë demokratike, por nuk mund të hysh në një kështjellë jodemokratike me mjete demokratike. Ajo është një kështjellë ku nuk hyhet, edhe sikur të ndodhë çfarë të ndodhë, është shumë zor pasi është një parti e okupuar prej kaq kohësh. Basha është një prej fajtorëve, nuk është fajtori i vetëm në Partinë Demokratike se ka humbur. E gjitha ka ardhur rrugës. A humbi zgjedhjet e para dhe mbeti prapë kryetar. A humbi të dytat dhe krijoi presidentë, edhe në të tretat”, tha Çupi.
Sipas tij, Partia Demokratike është parti me pronar dhe se do të ndryshojë nësoj si çdo biznes kur pronari thotë se duhet ndryshuar plani i biznesit.
