Një 19-vjeçar britanik ka vdekur nga hipotermia pasi e zuri gjumi jashtë në një park, kur babai e përzuri nga shtëpia se tymosi kanabis.
Babai i Lyndon Turner i agravuar nga situata, pasi djali i tij kishte dëmtuar makinën e familjes në një aksident, i tha të largohej nga shtëpia, duke besuar se do te kishte ku të qëndronte tek miqtë e tij.
Pas kësaj, i riu kishte rënë në gjumë në parkun e Chobham Common, ku u gjet i vdekur një ditë më vonë nga kalimtarët.
Mjekja ligjore Karen Henderson tha në gjykatë se Lyndon kishte vdekur nga hipotermia dhe raporti i toksikologjisë tregonte se ai ishte përdorues i rregullt i kanabis.
Në gjykatë u tha se Lyndon i kishte shkruar të motrës për marrëdhënien e tensionuar me të atin.
“Lyndon duket se ishte përdorues i rregullt i kanabis, dhe kishte disa vështirësi me familjen prej një aksidenti të vogël me makinë kohët e fundit, si dhe shqetësimeve të të atit për përdorimin e kanabisit. Për fat të keq ai nuk zgjodhi të gjente një tjetër vend për të jetuar”, tha Henderson.