Një e re ka vrarë fqinjën e saj kur i refuzoi kërkesën për seks dhe më pas i ka copëtuar trupin me sharrë elektrike. Pa vonuar më shumë, ajo ka djegur mbetjet në një pyll.
Pas largimit të mbetjeve të trupit të vajzës, Gareeca Gordon u përpoq të fshihte krimin duke dërguar mesazhe që supozohej se vinin nga vajza e vdekur, për miqtë e familjarët e saj.
Ajo u dënua me 23 vite burg për krimin e rëndë.
“E ardhmja e saj ishte e shkëlqyer, premtuese. Ti ia more asaj këtë mundësi. Ia more atë prindërve që e donin shumë dhe e adhuronin”, tha gjykatësi duke shtuar se Gordon “kërkonte seks” nga viktima Phoenix Netts duke u bërë fizikisht agresive, duke e shtyrë atë nëpër dhomë kur refuzonte.
Gjykatësi e quajti Gordon një person “shumë të rrezikshëm”, pasi asnjë nga plagët që i kishte shkaktuar nuk do të kishin qenë fatale nëse do te kërkonte ndihmë, por refuzoi ta bënte këtë, ndoshta për 12 orë derisa vajza vdiq.
Nëna e vrasëses Gordon, emri i të cilës nuk u publikua, shkruante në një letër për gjykatësit se bija e saj ishte një “bombë me sahat”.
Gordon vrau Netts më 16 prill vitin e kaluar dhe u arrestua më 12 maj.
Prokurori Andreë Smith tha se Netts i kishte thënë një shoqeje se Gordon “kërkonte seks me të” dhe bëhej “agresive” kur ajo i thoshte jo. Më 7 prill, Netts i dërgoi një mesazh një shoqeje: “Një vajzë këtu më kërkon të bëhem seksuale … po më tmerron.”
Një javë më vonë ajo kishte vdekur në duart e përndjekëses ne kamp.