Mashtronte në emër të Adriatik Llallës, gjykata vendos 7 vite burgim për Ilda Kërkapin

113 563 lexime

124,178FansaPëlqeje

Gjykata e Tiranës, ka dënuar me 7 vite burgim, Ilda Kërkapin, vajzën e akuzuar për një seri mashtrimesh financiare të realizuara në emër të ish-kryeprokurorit, Adriatik Llalla.

Kërkapi, është deklaruar fajtore nga një trup gjykues i gjykatës së Tiranës, i cili konstatoi se vajza e re kishte mashtruar më shumë se tre persona, duke i marrë shuma të konsiderueshme lekësh dhe eurosh, në këmbim të premtimeve se do i fuste në punë pranë Prokurorisë së Përgjithshme apo institucioneve të tjera shtetërore.

Në pretencën e tij, prokurori i çështjes kërkoi dënimin e Kërkapit me 8 vite burgim, por në përfundim gjykata vendosi dënimin e Kërkapit me 7 vite heqje lirie. Pritet që vendimi i dënimit të hyjë në fuqi nëse do të lihet në fuqi nga gjykata e Apelit Tiranë. Ky nuk është procesi i vetëm që zhvillohet kundër Ilda Kërkapit, pasi në gjykatën e Tiranës, janë duke vijuar dhe disa procese të tjera mashtrimi, për këtë shtetase.

Kërkapi, në rastet e tjera ka përdorur emrat e Drejtuesit të Prokurorisë së Posaçme SPAK, Arben Kraja, punonjësve të Kontrollit të Lartë të Shtetit dhe zyrtarëve të tjerë. Mes viktimave të saj janë persona me profesione të ndryshme, ku ndër ta është dhe mjekja gjinekologe që ndihmoi Ilda Kërkapin të lindte pranë maternitetin “Mbretëresha Geraldinë” në Tiranë.

Të fundit

Rike nxjerr zbuluar produksionin: Do dilja, por ma mbushi mendjen mami me motrat

Aludimet se banorët e BBV3, nuk janë plotësisht të izoluar nga të afërmit e tyre jashtë po shtohen dita...

Berisha: Shqipëria nuk plotëson më kriteret politike për të qenë anëtare e NATO-s

Ish-kryeministri Sali Berisha, ka marrë pjesë nëpërmjet një lidhje live ndërsa ndodhet në arrest shtëpiak në aktivitetin dedikuar 15-vjetorit të anëtarësimit të Shqipërisë në...

Pas arrestimit të Evis Berberit, qeveria emëron kreun e ARRSH-së (Emri)

Pas arrestimit të Evis Berberit, qeveria ka emëruar në krye të Autoritetit Rrugor Shqiptar, Gentain Gjylin, i cili mbante postin e zëvendës drejtorit. Sipas informacioneve,...

Ora verore, të dielën akrepat shkojnë 60 minuta para

Kthehet ora verore me akrepat që lëvizin një orë përpara mes të shtunës 30 dhe të dielës 31 mars. Akrepat lëvizin një orë para,...

“Në maj do mbërrijnë emigrantët e parë”/ Publikon detaje nga tenderi me vlerë 34 mln euro

Që nga 20 maji 2024, kampet në Shqipëri që do të përpunojnë kërkesat për azil të individëve të shpëtuar nga autoritetet italiane do të...

Lajme të tjera

Web TV