Mbetën jetimë që në moshë të vogël, halla falënderon kunatën që rriti nipërit e saj

113 563 lexime

124,178FansaPëlqeje

Jeta ndonjëherë tregohet e padrejtë dhe na vendos përballë dhimbjeve të mëdha që duan shumë mund të tejkalohen, por nga ana tjetër ka njerëz zemërgjerë të cilët me veprat e tyre heroike kthehen në dritë shprese duke na nxjerrë nga errësira që na rrethon.

E tillë ishte dhe historia e familjes së Elidës dhe kunatës së saj, Irenës që u trajtua mbrëmjen e sotme në programin “Dua të të bëj të lumtur”.

Elida e përlotur dhe tepër e emocionuar ndau me ne historinë e dhimbshme të jetës së vëllait të saj të ndjerë, Rolandit, i cili shumë vite më parë kishte vendosur të martohej dhe kishte sjellë në jetë edhe dy fëmijë. Por për këtë familje ditët e lumtura siç ata i kishin ëndërruar, nuk kishin zgjatur shumë dhe midis Rolandit dhe ish- bashkëshortes së tij kishin nisur konfliktet dhe debatet e vazhdueshme.

Konfliktet dhe mosmarrëveshjet mes tyre sollën që bashkëshortja e tij të largohej nga shtëpia duke braktisur kështu jo vetëm Rolandin por edhe fëmijët e saj. Fatkeqësisht tragjedia për familjen e Rolandit nuk përfundoi me kaq, pasi ai i pikëlluar nga kjo ngjarje, kishte vendosur që t’i jepte fund jetës së tij pas 3 ditësh.

Vëllai i Rolandit, muaj më vonë kishte vendosur që të krijonte familjen e tij, por për bashkëshorten e ardhshme, Irenën kusht kryesor ishte përkujdesja për fëmijët e mbetur jetim. Irena nuk e kishte menduar gjatë këtë kusht dhe kishte vendosur që të bëhej nëna e tyre duke u falur dashuri dhe përkujdesje për më shumë se 8 vite, pavarësisht problemeve të mëdha ekonomike që kishin pasur.

Për këtë arsye, Elida kishte zgjedhur programin “Dua të të bëj të lumtur” për t’i shprehur mirënjohjen kunatës së saj, Irenës si dhe për ta falënderuar për përkujdesjen që ka treguar për nipërit e saj gjatë gjithë këtyre viteve. “Irena ti për ne ke qenë më shumë se një motër, nuk e harroj kurrë se si ti vendose që të bëheshe nënë për nipërit e mi, duke u dhënë dashurinë që u mungon e duke i rritur sikur të ishin fëmijët e tu. Të faleminderit shumë!”,- ishte mesazhi i Elidës për Irenën.

Lexo edhe :  Meta: “Koha për t’u shkundur!” (Video)

Nga ana tjetër e studios, Irena tepër e emocionuar nga surpriza tregoi se fëmijët i do shumë pa asnjë dallim dhe diferencim mes tyre. Ajo gjithashtu rrëfeu se jeta për ta nuk ka qenë e lehtë, madje peripecirat ishin shtuar sepse ata janë detyruar të jetojnë në kontenier pasi shtëpia e tyre ishte shpallur e pabanueshme nga tërmeti i 26 nëntorit.
Në fund programi “Dua të të bëj të lumtur” në bashkëpunim me kompaninë “Bavaria” vendosën që tu ofrojnë familjes së Irenës mundësinë për të jetuar në një shtëpi të re deri në përfundimin e rregullimit të banesës së vjetër të tyre.

Të fundit

“Voyage Privé”: Shqipëria, zbuloni thesarin e fshehur të Mesdheut

Dëshironi të bëni zbulime të reja? Magjepsuni nga pasuritë historike dhe kulturore të Shqipërisë, shkruan revista franceze e udhëtimeve...

Të dielën ndryshon ora, akrepat shkojnë një orë para në Festën e Pashkës

Të dielën, më 31 mars 2024, do të kthehet ora verore. Akrepat e orës do të zhvendosen një orë përpara, pra nga ora 03:00...

‘Do të kemi temperatura të larta’, meteorologia zbulon surprizat e motit për fundjavën

Kjo fundjavë pritet të ketë një mot të qëndrueshëm, me temperature të relativisht të larta. Meteorologia Lajda Porja tha se edhe fillimi i muajit të...

Nuanca blu si askund tjetër / Ky plazh në Jug të Shqipërisë renditet i pari

Plazhi i “Pasqyrave” mes Sarandës dhe Ksamilit është renditur i pari në botë për ujin me ngjyrën më blu të theksuar. Duke përdorur imazhe satelitore...

Arrestimi i dy kryebashkiakëve, sot zgjidhet kryetari i ri i Himarës

Pas arrestimit dhe dorëheqjes së Jorgo Goros nga posti kryebashkiakut në detyrë të Himarës, vendi ka mbetur pa drejtues. Përpos Jorgo Goros, në burg ndodhet...

Lajme të tjera

Web TV