Një pasdite frike të hënën në Trigoria, kur babai i sulmuesit të Genoas, Gianluca Scamaça, pasi hyri në qendrën sportive të verdhekuqve, nisi të kërcënonte disa të pranishëm në një bar, si dhe duke dëmtuar disa makina të parkuara.
Emiliano Scamaça përfitoi nga hyrja në qendrën sportive, duke trembur edhe djemtë e sektorit të të rinjve të Romës, që po stërviteshin në fusha të ndryshme të qendrës sportive “Fulvio Bernardini”.
Në një kohë të shkurtër ai u ndalua menjëherë, së pari nga rojet e sigurimit të Romës dhe më pas nga policia që e arrestoi. Arsyet e gjestit të çmendur janë ende të panjohura.
Babai i Scamaça kishte veshur një xhup të Sassuolos. Midis makinave të shkatërruara ka dëmtuar edhe atë të menaxherit Tiago Pinto të Romës. Djali i tij, Gianluca i huazuar te Genoa, është rritur në sektorin e të rinjve verdhekuqve, me të cilët luajti nga 2012 në 2015.