Supermodelja amerikane Naomi Campbell, është bërë nënë për herë të parë në moshën 50-vjeçare.
Lajmin e bukur e ka bërë me dije vetë “pantera e zezë” me anë të një postimi në rrjetet sociale, teksa ka publikuar një foto ku shihen duart e saj dhe këmbët e foshnjes.
Modelja ka sjellë në jetë një vajzë, emrin e të cilës nuk e ka zbuluar ende.
“Një bekim i vogël i bukur, më ka zgjedhur të jem nëna e saj. Ndihem e nderuar që kam këtë shpirt në jetën time, nuk ka fjalë për të përshkruar lidhjen e përjetshme që tani ndaj me ty engjëlli im. Nuk ka dashuri më të madhe,” shkruan ajo në postimin e saj.
