A do ta “vrasë babanë politik” këtë herë Lulzim Basha?

113 563 lexime

124,178FansaPëlqeje

Si për koiçidencë vendimi i Departamentit Amerikan i Shtetit për të shpallur person “non grata” ish-kryeministrin Sali Berisha, përkoi me turin e kryedemokratit Lulzim Basha në qytetin e Shkodrës për denoncimin e zgjedhjeve parlamentare të 25 prillit.

Nga Shkodra, Basha ngriti edhe një herë dyshimet e opozitës për manipulimet e zgjedhjeve duke deklaruar se ato u manipuluan nga dyshja Rama-Doshi.

“…sikurse e dinë shkodranët dhe e gjithë Shqipëria, nuk ka PSD. Ka një ndërmarrje të përbashkët të Edi Ramës dhe të Tom Doshit për të fshehur nën siglën e kësaj ndërmarrjeje, të padëshiruarin e Shteteve të Bashkuara të Amerikës. Nuk ka PSD, sepse ka tre kandidate të dalë nga masakra zgjedhore e 25 prillit, që të tre drejtorë të Partisë Socialiste. Nuk ka as PSD, as PS, por është regjimi Rama-Doshi që bleu me paratë e grabitura të shqiptarëve mjerimin që jua ka shtruar në sofra çdo familje shkodrane dhe shqiptare”, shton Basha.

Kryedemokrati Lulzim Basha, i cili e ka përdorur kartën e DASH në dhjetëra fjalime e diskutime duhet të tregojë vullnetin e tij se nuk përdor dy standarde në qëndrimet e tij politike. Atij i duhet të vendosë që të vrasë “babain e tij” politik duke mos e përfshirë në Parlament numrin pesë të listës së Tiranës, të padëshiruarin e SHBA-ve, Sali Berishën.

Prej kohësh, Bashës i kanë kërkuar që në shprehjen figurative politike njihet si “vrasja e atit politik”. Madje kjo është kërkuar me forcë nga Besnik Mustafaj dhe Genc Ruli, por që Basha që njihej si ‘delfin” i Berishës nuk e kishte pranuar. Madje në librin e tij, “Misioni im”, i nxjerrë përpara zgjedhjeve shprehej se “Berisha nuk kishte qenë kurrë një barrë, por një këshillues”. Ky vendim lidhej me faktin se që lideri i ri i çdo partie duhej të vendoste për t’u përfundimisht nga paraardhësi, ashtu siç veproi edhe Angela Merkel me kancelarin Helmut Kohl, liderin e CDU, që e kishte atë si të përzgjedhurën e tij.

Lexo edhe :  Një zakon i thjeshtë i përditshëm që mund të përmirësojë kujtesën

“….Kam pasur ftesa private apo publike, miklime apo thirrje, marrëveshje apo “deklamime” për të “vrarë babain”. Është qesharake, sepse nuk është as në traditën e partive të djathta, as në botëkuptimin apo ne formimin tim, dhe as në traditën e fisnikërisë apo konservatorizmit që të vrasim babanë”. Babai respektohet në shoqërinë tonë dhe kudo në shoqëritë e shëndosha: jeta ndjek ciklin e saj dhe gjërat shkojnë dhe ecin për para dhe përvoja veçse mund të vleje. Kjo ftese e përhershme për të ‘vrarë babanë’ më është dukur gjithmonë jo vetëm qesharake, por edhe e pakuptimtë, kur në vetvete përvoja dhe lidershipi i Sali Berishës si lider politik, mund të ishin për mua vetëm përparësi, për të marrë një mendim, për të rrahur ide, për të bërë një diskutim”, shkruan Basha në librin e tij.

Pas një muaji nga zgjedhjet jemi në një situatë të re, dhe ky klasa politike e ka marrë mesazhin e rëndësishëm nga Departamenti Amerikan i Shtetit që kush është shpallur person “non-grata” nuk duhet të jetë pjesë e Parlamentit shqiptar, që të mbajë ndonjë post publik, apo të jetë pjesë e sistemit të drejtësisë. Basha ndodhet para këtij vendimi me “dhuratën” e bërë nga DASH për largimin e Berishës nga Parlamenti. Ky mund të jetë edhe shahu mat i politikës amerikane ndaj kryedemokratit Basha.

Të fundit

600 mijë euro për të prezantuar BBV? Arbana përgjigjet pas largimit nga Topi

Ish-moderatorja e Big Brother VIP Albania, Arbana Osmani, ka vendosur të ndajë mendimet e saj të qëndrueshme rreth çështjeve...

3 shenjat e horoskopit që e lëshojnë dorën thuajse gjithnjë me miqtë për para borxh

Nëse i jepni një shoku apo shoqeje vetëm ca lekë borxh sepse ka harruar portofolin në shtëpi, kjo është tjetër gjë krahasuar me disa...

‘Ethet e Dengës’?/ OBSH ngre alarmin: Sëmundje virale, ka shënuar shifra rekord këtë vit

Epidemia e Etheve të Dengës po përhapet me shpejtësi në Karaibe dhe Amerikën latine, duke shënuar shifra record nga fillimi i vitit deri tani....

“Në Maj nisin faturimet e reja”/ Ja sa kilovati do të paguajnë furrat që tregtojnë bukë

2600 furra buke që operojnë në mbarë vendin nuk do të preken nga rritja e çmimit të energjisë elektrike. Nga Lushnja, Zv/Kryeministria Belinda Balluku...

Meta denoncon në Prokurori: Më kanë vjedhur hard diskun në zyrën e PL!

Kreu i PL, Ilir Meta ka denoncuar në Prokurorinë e Tiranës se në zyrën e Partisë së Lirisë, persona të paidentifikuar kanë vjedhur një...

Lajme të tjera

Web TV