Një situatë aspak komike është raportuar në SHBA, ku presidenti Joe Biden bëri një batutë që u kritikua. “Zoti President, a mund të ‘tju bëj një pyetje të shpejtë mbi Izraelin para se të largoheni pasi është shumë e rëndësishme?”, pyeti gazetari. ”Jo nuk mundeni! Jo, vetëm nëse i dilni përpara makinës dhe unë ju shkel”, përgjigjet Joe Biden.
Por shakaja e tij nuk u la pa u bë virale. Në twitter, analistët politikë kanë shkruar se nëse Trump do e bënte këtë batutë, ndaj tij do të kishte nisur një proces shkarkimi.
Ndërkohë që edhe ish-kryetarja e republikanëve në Nevada, Amy Tarkanian tha të njëjtën gjë. “Joe Biden sapo kërcënoi se do të shkelte një reporter me makinë vetëm sepse donte të bënte një pyetje në lidhje me Izraelin. Nëse Presidenti Trump do ta kishte bërë këtë gjë, ai do të ishte fajësuar. Me shaka apo jo, kjo retorikë është plotësisht e papranueshme për Presidentin.”
Biden ndodhej në fabrikën e famshme të martën për të provuar kamionin e parë elektrik të “Ford”-it gjatë një ndalese në Michigan ku ndodhej për të shpallur planin e tij të infrastrukturës.