Rama: Nëse mësuesit sot zgjidhen në bazë të meritës, drejtorët dhe nëndrejtorët jo!

113 563 lexime

106,048FansaPëlqeje

Kryeministri i vendit, Edi Rama ka zhvilluar një takim me mësuesit dhe mësueset që dhanë kontributin e tyre në “RTSH shkollë”, kanal ky që ju dedikua nxënësve dhe mundësoi përballimin e një procesi mësimor gjatë periudhës së pandemisë.

Kryeministri ka bërë një krahasim të mësuesve dhe drejtorëve të institucioneve arsimore shqiptare me ato europiane, duke u shprehur se niveli i mësuesve është i njëjtë me mësuesit e vendeve të Rajonit dhe të Evropës, por nuk u shpreh njësoj për drejtorët!

“Nëse ne krahasojmë me të njëjtën masë drejtuesit e shkollave tona me drejtuesit e shkollave europiane atëherë nuk jemi në të njëjtin nivel, në këtë drejtim kemi filluar një përpjekje, që është shkolla e drejtorëve. Na duhet që të njëjtën gjë që bëjmë me mësuesit të bëjmë edhe me drejtorët”, u shpreh Kryeministri Rama duke shtuar se mësuesit në ditët e sotme zgjidhen në bazë të meritës teksa drejtorët dhe nëndrejtorët jo!

Rama: Ngado të rrotullohemi kemi nevojë ta çojmë në tjetër nivel menaxhimin e shkollave. Po të krahasojmë nivelin e mësuesve mesatar me nivelin mesatar të drejtorëve të shkollave proporcioni është shumë i zhdrejtë. Kemi mësues dhe mësuese që pa asnjë gajle mund ti vendosim në të njëjtin nivel me mësues në vendet e Rajonit dhe Evropës dhe kujt thotë jo unë i them të shikojë progresin e nxënësve shqiptarë. Nëse kjo nuk mjafton të shikojë se nxënësit e mirë që dalin nga duart tuaja dhe shkojnë jashtë shtetit nuk janë aspak më pak të armatosur me dije sesa bashkëmoshatarët e tyre. Nxënësit që dalin nga gjimnazet tona qëndrojnë në kategoritë më larta të vlerësimit, janë nxënësit tuaj.

Nëse ne krahasojmë me të njëjtën masë drejtuesit e shkollave tona me drejtuesit e shkollave europiane atëherë nuk jemi në të njëjtin nivel, në këtë drejtim kemi filluar një përpjekje, që është shkolla e drejtorëve. Na duhet që të njëjtën gjë që bëjmë me mësuesit të bëjmë edhe me drejtorët. Nëse mësuesit sot zgjidhen në bazë të meritës, drejtorët jo! Nëndrejtorët jo e jo, se i njihni vetë. Është përgjegjësi e Ministres që paralelisht me procesin e edukimit në vazhdim të drejtorëve përmes shkollave të drejtorëve të bëjnë detyrën e tyre që të mos lejojnë që drejtorët e shkollave të jenë nomenklaturë e deputetëve dhe kryetarëve të bashkive. Portali ishe një rrufe mbi kokën e të gjithëve, tradita dihej, kush merr pushtetin ndahen edhe vendet e punës për mësuesit. Debati ishte me disa deputetë që ishin më të zëshëm që kjo na zhvesh ne nga autoriteti dhe përgjigjja ime ishte ata mësues që juve i fusni nëpër shkolla për arsyet tuaja do t’ja jepnit fëmijëve tuaj? Kurrën e kurrës! Atëherë kjo nuk diskutohet, kështu ne kemi shpëtuar arsimin nga mësuesit që vijnë pa lidhje.


Të fundit

Grabitja spektakolare në qendër të Athinës, hynë me kallashnikovë në bankë dhe rrëmbyen një shumë të madhe parash

Në qendër të Athinës është grabitur një bankë mesditën e sotme. Dy persona, të pajisur me armë të rënda,...

14 shtator 1901/ Vdes presidenti amerikan William McKinley, pas atentatit nga një radikal

William McKinley u lind më 29 janar 1843 dhe vdiq më 14 shtator 1901. Ai ishte presidenti i 25 -të i Shteteve të Bashkuara,...

Patrik Sueizi, idhulli i të rinjve që mori famë nga një “kërcim i ndyrë”

Nga Leonard Veizi "Dirty Dancing", ishte filmi që do t’i jepte famë edhe në Shqipëri, aktorit të njohur amerikan. Ishin vitet ’90 dhe Shqipëria sapo kishte...

Dëshmoi kundër Netanyahut, vdes në aksident ajror në Greqi zyrtari i lartë izraelit

Një aksident ajror ndodhi mbrëmjen e djeshme në ishullin Samos në Greqi, ku një avion i vogël Cesna ra në det teksa po fluturonte...

Rama nderon Merkel me medaljen ‘Ylli i Mirënjohjes Publike’, kancelarja: Është një nder i madh

Kryeministri Edi Rama ka nderuar Kancelaren gjermane Angela Merkel me 'Ylli i mirënjohjes publike'. Rama shprehu kënaqësinë e veçantë të nderonte në emër të...

Lajme të tjera

Web TV