Rrufetë e Uashingtonit

113 563 lexime

124,178FansaPëlqeje

Nga Sebi Alla

 

Kushdo që mund ta mendonte më parë do quhej i marrë, ose një ëndërrues dashakeq ndaj “njeriut më të fuqishëm” politik në vend, për tre dekada radhazi. Por ja që një rrufe vjen nga Uashingtoni me shkarkesë në Tiranë, për të kuptuar më shumë sesa ofron një akt.

Ish-presidenti dhe ish-kryeministri Sali Berisha u shpall “non grata” nga SHBA, i dyshuar për ‘korrupsion madhor’ dhe ‘minues i proceseve demokratike’. Disa nuk janë në gjendje ende ta besojnë se kjo ndodhi, të tjerë që Berishën e kanë pasur gjithnjë kundërshtar po festojnë. Por kambanat nuk mund të pushojë vetëm me një lëkundje litari. Ato lajmërojnë të tjerë individë të fuqishëm politik që do përfundojnë me një damkë fort të zezë.

Në fakt, askush nga ata që janë ngjyer shumë, apo më pak se shumë në afera korruptive, nuk duhet të lumturohen apo hidhërohen, sepse “asgjë nuk harrohet” edhe pse kalon kohë, shumë kohë nga fuqizimi i disa personazheve që mburren me arritje, por lanë pas shkatërrim. Koha shkon, por jo këta individë fuqiplotë… Të lindurit në në vigjilje të rënies së sistemit komunist sot kanë lindur dhe po rrisin fëmijë me po të njëjtët personazhe politike që rrëzohen e riciklohen, si përbindësha që nuk “lëpijnë plagët” e vetes, por ushqehen me plagët e qytetarëve.

Berisha nuk do jetë i vetmi, të paktën ky është një perceptim disi masiv tek qytetarët, ose të shpresojnë të mos jetë i tillë. Peshorja e fajeve që rëndon mbi një popullsi, anon herë në një krah e herë në një tjetër. Përjashtim përbën vetëm koha, çasti dhe “statusi” në të cilën ndodhen. Sa janë në pushtet e quajnë veten të plotfuqishëm, duke shkuar edhe në haluçinacione se janë të përzgjedhurit e Perëndisë që edhe kur bëjnë zullume, e ka shkruar Ai lart…

Lexo edhe :  A është normale të ndiheni të uritura gjatë ditëve të ciklit menstrual

Por për disa vende të mëdha, harresa nuk është për tre ditë si këtu në kallamishten tonë ngaku nuk po dalim, por presin dhe “kujtohen” edhe pas tre dekadash. Ajo që volitet për sot e në vijim është vetëm popullsia që “korrupsionin” as në ëndërr se ka parë, të mos përzihet në tifozllëk dhe etiketim për një kah, sepse rrufetë mund të nisen sërish nga Uashingtoni dhe nuk dihet ku do bien, sigurisht jo tek qytetarët e mirë.

Të fundit

“Voyage Privé”: Shqipëria, zbuloni thesarin e fshehur të Mesdheut

Dëshironi të bëni zbulime të reja? Magjepsuni nga pasuritë historike dhe kulturore të Shqipërisë, shkruan revista franceze e udhëtimeve...

Të dielën ndryshon ora, akrepat shkojnë një orë para në Festën e Pashkës

Të dielën, më 31 mars 2024, do të kthehet ora verore. Akrepat e orës do të zhvendosen një orë përpara, pra nga ora 03:00...

‘Do të kemi temperatura të larta’, meteorologia zbulon surprizat e motit për fundjavën

Kjo fundjavë pritet të ketë një mot të qëndrueshëm, me temperature të relativisht të larta. Meteorologia Lajda Porja tha se edhe fillimi i muajit të...

Nuanca blu si askund tjetër / Ky plazh në Jug të Shqipërisë renditet i pari

Plazhi i “Pasqyrave” mes Sarandës dhe Ksamilit është renditur i pari në botë për ujin me ngjyrën më blu të theksuar. Duke përdorur imazhe satelitore...

Arrestimi i dy kryebashkiakëve, sot zgjidhet kryetari i ri i Himarës

Pas arrestimit dhe dorëheqjes së Jorgo Goros nga posti kryebashkiakut në detyrë të Himarës, vendi ka mbetur pa drejtues. Përpos Jorgo Goros, në burg ndodhet...

Lajme të tjera

Web TV