Rama: Yuri Kim i ka dhënë një cilësi të re marrëdhënieve me SHBA

113 563 lexime

106,048FansaPëlqeje

Kreu i qeverisë Edi Rama u shpreh gjatë fjalës së tij në ceremoninë e stërvitjes “Defender 21” në Tiranë, se ambasadorja e SHBA Yuri Kim i ka dhënë një tjetër cilësi marrëdhënieve mes dy vendeve.

“Miq dhe të ftuar, është një nder i veçantë dhe një privilegj për mua që sot në emër të qeverisë të shpreh mirënjohjen për Ushtarakët e përfshirë në këtë stërvitje. Dëshiroj që përveç mirënjohjes për të gjithë ata me uniform që janë përfshirë në këtë stërvitje dhe përbëjnë edhe garancinë dhe sigurinë e përditshme për shqiptarët dhe Shqipërinë me përkushtimin dhe sakrificat e tyre të shpreh mirënjohje edhe për familjet e tyre.

Familje që sakrifikojnë çdo ditë që janë të parat që preken nga emocione për shkak të përfshirjes së familjarëve të tyre në FA. Sot dua të falenderoj të gjithë ushtarakët e përfshirë në këtë stërvitje domethënëse nga SHBA dhe të gjithë vendet e tjera. I bëj një falenderim Kim, e cila me përkushtimin e saj i ka dhënë një cilësi të re marrëdhënieve mes dy shteteve duke u përfshirë në vetë të parë në mbështetje të kërkesave dhe nevojave, në drejtësi dhe mbrojtje. Besimi që SHBA kanë treguar në vijim te ky partneritet dhe aleancë e madhe strategjike me Shqipërinë e vogël kulmon me këtë stërvitje që jo rastësisht është stërvitja më e madhe dhe me përfshirjen më domethënëse.

Nënvizoj që ndërkohë që kjo shfaqje e bukur për t’u dhënë mundësi qytetarëve të vijnë të vizitojnë këtë arsenal nuk do ishte e tillë nëse nuk do kishte qenë mbështetja e SHBA për rritjen e kapaciteteve të ushtrisë shqiptare. Kam besim se ne do të mund të hedhim hapa të tjerë kuptimplotë në rritjen e cilësisë së burimeve njerëzore të FA duke krijuar kështu një hapësirë tërheqëse për ta materializuar thirrjen për të rinjtë që duhet ta shohin adresën e FA si mundësi të artë për formimin edhe pas shkollimit”, tha Rama.


Të fundit

Rama: Yuri Kim i ka dhënë një cilësi të re marrëdhënieve me SHBA

Kreu i qeverisë Edi Rama u shpreh gjatë fjalës së tij në ceremoninë e stërvitjes “Defender 21” në Tiranë,...

Yuri Kim: Amerika ka një aleat të vërtetë dhe të guximshme si Shqipëria

“Defender Europe 21” pas disa qytetesh këtë herë ka zbarkuar në Tiranë, ku ditën e sotme do të ketë surpriza në tokë dhe ajër...

“Defender Europe 2021” zbarkon në Tiranë, ceremonia bën bashkë Metën, Ramën dhe ambasadoren amerikane

Forcat e NATO-s të cilët ndodhen në Shqipëri në kuadër të stërvitjes së armatosur “Defeder Europe 21”, kanë zbarkuar këtë të diel në Sheshin...

Berisha ‘non grata’ në SHBA, Soreca: Vendim i qeverisë amerikane, ne e respektojmë

Ambasadori i BE-së Lugi Soreca nuk ka dashur të komentojë vendimin e Departamentit Amerikan të Shtetit për ish-kryeministrin Sali Berisha, i cili u shpall...

U gjet i vdekur në Elbasan/ Viktima me damarë të prerë, ja vendi ku ishte hedhur

Është ende i paidentifikuar viktima që u gjet në mes të rrugës në një nga lagjet e njohura të Elbasanit. Raportohet se nga këqyrja...

Lajme të tjera

Web TV