Kultivonin drogë në serë, arrestohen dy të rinj në Mirditë

113 563 lexime

106,048FansaPëlqeje

Dy persona janë arrestuar në Mirditë të Lezhës për kultivim droge. Kledison Gjeci dhe Drilon Nika po tentonin të kultivonin drogë në një serë në fshatin Bulshar.

Atyre u janë sekuestruar gjithashtu dy automatikë, dy radio si të Policisë, kubikë me fara kanabisi, llamba elektrike dhe pajisje të tjera.

Ndërkohë vijon puna për persona të tjerë të përfshirë në këtë aktivitet kriminal.

NJOFTIMI NGA POLICIA

Mirditë, Lezhë

Finalizohet operacioni policor i koduar “Bulshar”, për goditjen e tentativës për kultivim të bimëve narkotike dhe armëmbajtjes pa leje.

Operacioni nga DVP Lezhë dhe Komisariati i Policisë Mirditë, në bashkëpunim me Prokurorinë e Rrethi Gjyqësor Lezhë.

Vihen në pranga 2 shtetas, autorë të tentativës për kultivimin e bimëve narkotike dhe posedues të armëve të zjarrit.

Sekuestrohen 2 armë zjarri, radio marrëse-dhënëse si ato të Policisë, kubikë me fara narkotike kanabis, llamba elektrike termale dhe pajisje të tjera që shërbenin për kultivimin e bimëve narkotike.

Strukturat policore në DVP Lezhë, në vijim të punës së pandërprerë për parandalimin, evidentimin dhe goditjen e veprimtarisë së paligjshme të kultivimit të bimëve narkotike, pas informacioneve të marra në rrugë operative se në zonën e Bulsharit, Mirditë, disa persona po tentonin të kultivonin bimë narkotike, në bashkëpunim me Prokurorinë e Rrethit Gjyqësor Lezhë, pas një hetimi disajavor, kanë finalizuar me sukses operacioni policor të “Bulshar”, si rezultat i të cilit u bë arrestimi në flagrancë i shtetasve:

-D. N., 30 vjeç, banues në Thumanë dhe K. Gj., 21 vjeç, banues në Bulshar, Mirditë.

Këta shtetas, në bashkëpunim me njëri-tjetrin, në vendin e quajtur “Bulshar”, Njësia Administrative Orosh, Mirditë, në një serë, kishin kultivuar në kubikë dhe në tokë fidanë narkotike kanabis.

Lexo edhe :  Fituesi i Eurovision konsumoi kokainë live? Dalin rezultatet e testit të drogës

Gjatë kontrollit të ushtruar nga shërbimet e Policisë në një ambient që këta shtetas kishin përshtatur për strehim u gjetën dhe sekuestruan 2 armë zjarri automatikë, 2 radio marrëse-dhënëse si ato të Policisë dhe pajisje të ndryshme elektrike që shërbenin për kultivimin e bimëve narkotike.

Vijon puna për identifikimin dhe kapjen e autorëve të tjerë të implikuar në këtë aktivitet kriminal.

Materialet procedurale u referuan në Prokurorisë pranë Gjykatës së Shkallës së Parë Lezhë, për veprat penale “Kultivim i bimëve narkotike” kryer në bashkëpunim dhe “Armëmbajtja pa leje”.


Të fundit

Kultivonin drogë në serë, arrestohen dy të rinj në Mirditë

Dy persona janë arrestuar në Mirditë të Lezhës për kultivim droge. Kledison Gjeci dhe Drilon Nika po tentonin të...

Bashkia e Tiranës nis riparimin e 288 pallateve të dëmtuara lehtë nga tërmeti

Pallatet që kanë pësuar dëme të lehta nga tërmeti i 26 Nëntorit 2019 në kryeqytet po riparohen nga Bashkia e Tiranës. Aktualisht, në të...

Kuriozitete nga bota e bletëve që ndoshta si keni ditur më parë

A e dini se; 100 miza blete peshojnë 10 gramë. Një bletë fluturon 1 km në 2 minuta. Një bletë zakonisht viziton rreth 7.000 lule...

Covid në Shqipëri/ Ministria e Shëndetësisë publikon shifrat e infektimeve dhe vdekjeve në 24 orët e fundit

Ministria e Shëndetësisë dhe Mbrojtjes Sociale jep bilancin e 24 orëve të fundit. Situata e COVID19 në 24 orët e fundit është si vijon: Janë...

Albin Kurti heq dorë nga reciprociteti me Serbinë

Qeveria e Albin Kurtit ka hequr sot dorë nga reciprociteti me Serbinë. Sot, Ministrja e Industrisë, Ndërmarrësisë dhe Tregtisë, Rozeta Hajdari, ka deklaruar se nuk...

Lajme të tjera

Web TV