Zbardhen detaje të reja nga vrasja e 25 vjeçarit Emiljano Ndou mbremjen e djeshme në Bardhaj të Shkodrës.
Gruaja e Mark Kodrës, autorit të krimit, ka deklaruar për mediat se viktima ishte kthyer në shqetësim për familjen e saj.
Sipas saj, 25-vjeçari ka shkuar me motor duke ecur me shpejtësi dhe xhiruar gomat përpara shtëpisë së tyre, ku dhe është konfliktuar me djalin e familjes Kodra.
“25 vjeçari erdhi dhe xhiroi gomat para shtëpisë. Në fillim doli djali dhe i tha “ec më ngadalë”, por ai iu përgjigj “eci si të dua unë””, ka deklaruar ajo në një reagim për mediat.
Më pas në rrugë ka dalë autori i krimit. Sipas bashkëshortes, 47 vjeçari shkoi për t’u sqaruar me të riun, dhe më pas e qelloi me armë.
“Burri shkoi për t’u sqaruar më pas erdhi në shtëpi dhe mori armën. I dola përpara që ta ndaloja por nuk më lejoi. Qëlloi katër herë me armë”,-tha ajo.