Viktor Balla, 51 vjeçari që u dogj nga shpërthimi i pompës centrifugale të naftës në vendin e quajtur Qafa e Kashit, ka ndërruar jetë në spital.
Ngjarja ndodhi në datën 3 maj, teksa viktima mori djegie në 40% të trupit dhe u dërgua me urgjencë drejt spitalit, por fatkeqësisht nuk arriti t’u mbijetojë plagëve të marra.
Si fajtor për ngjarjen e rëndë policia ka arrestuar 40 vjeçarin E.A, me detyrë shef i sigurimit teknik pranë sektorit të dekantimit të kompanisë “Anio Oil”. Ain akuzohet për mosmarrje të masave të sigurimit teknik, dhe për pasojë në sallën e pompave të sektorit të dekantimit të kompanisë së naftës shpërtheu një pompë centrifugale, që i mori jetën 51 vjeçarit Balla.