Edi Rama, kryeministër i Shqipërisë dhe njëherës kryetar i Partisë Socialiste, ende nuk e ka vendosur se në cilin qark do ta marrë mandatin; në Vlorë apo në Durrës. Në të dy këto qarqe Rama arriti të fitonte mandatin, pavarësisht se e vendosi veten në “vijën e zjarrit”.
Mësohet nga burime pranë kryeministrit Edi Rama, se ai ka vendosur të pranojë mandatin që i dhanë durrsakët, pavarësisht se edhe vlonajtët e bënë “detyrën e tyre”.
Mesa duket, duke zgjedhur mandatin e Durrësit Edi Rama lë bosh vendin e tij në Vlorë për vajzën çame Teuta Ramaj, e cila renditej e 9 në listën shumemërore të kandidatëve të PS për qarkun jugor. Me një përfaqësuese të komunitetit çam në listën e Vlorës dhe dobësimin e pozitave të PDIU e PBDNJ në jug, Partia Socialiste forcon dhe më shumë pozitat e saj.
Drejtuesi i PS për Vlorën në 25 prill, Damian Gjiknuri dhe vetë kryeministri Edi Rama, kërkuan gjatë fushatës që vlonjatët të votonin për “bijën e tyre”, një kandidate të spikatur dhe vajzë e respektuar në qytetin bregdetar, Teuta Ramajn.
PS nuk arriti të siguronte mandatin e 9 që të nxirrte direkt vajzën çame deputete, edhe pse rikonfirmoi 8 mandate sa në zgjedhjet e 2017, por as vetë Teuta Ramaj nuk mori vota preferenciale mjaftueshëm për të thyer herësin.
Me dy zgjedhjeve të vështira, vajzës çame në Vlorë dhe doktorës së shkencave Ana Dhamo në Durrës, Rama duket se ka vendosur që të ketë në Kuvendin e ri të parën, duke pranuar vetë mandatin e qytetarëve durrsakë. /newsbomb.al/