Shkatërrohet rrjeti i kokainës në Greqi, “koka” nga Shqipëria që terrorizoi grekët

113 563 lexime

106,048FansaPëlqeje

Policia greke ka goditur një grup të strukturuar kriminal të drejtuar nga një shqiptar në Mykonos, i cili trafikonte kokainën nga Holanda në Athinë me destinacionin ishullin e famshëm. Pesë persona u arrestuan nga operacioni ku u përdorën edhe dronët për të kontrolluar të gjitha lëvizjet e anëtarëve të bandës shqiptare.

Mediat greke e kanë cilësuar grupin shqiptar si “unazë” të trafikut në Mykonos, ndërsa drejtuesin si një kriminel i skeduar për disa ngjarje por që në shumë raste kishte arritur që t’i ikte drejtësisë. Operacioni kundër bandës së shqiptarit u zhvillua në fshehtësi të plotë dje.

Hetimi për grupin filloi në tetor 2020 kur një ankesë arriti në Departamentin e Sigurisë së Atikës në lidhje me disa shqiptarë, të cilët ishin aktivë në trafikimin e sasive të drogës, kryesisht kokainë, në Athinë dhe po përgatisnin një degë në Mykonos.

Hetimi zbuloi ekzistencën e një grupi kriminal, të strukturuar në mënyrë operative dhe me veprimtari të vazhdueshme kriminale, anëtarët e të cilit trafikonin kokainë dhe kanabis. Mafiozët blerjen e kokainës e bënin në Holandë.

Në fund të Prillit, anëtarët e bandës realizuan blerjen dhe transportin e 3 kilogramëve kokainë prej 28,000 euro për kilogram nga Holanda dhe e transportuan duke e fshehur në një makinë, ndërsa dega e grupit në Mykonos funksiononte me “klientë të zgjedhur”.

Goditja e grupit u realizua ditën e djeshme. Forca të shumta policie të ndihmuar edhe nga një dron arritën që të arrestonin katër persona. Në të njëjtën kohë në Athinë u kap “truri” i grupit kriminal, i cili fillimisht refuzoi kontrollin nga policia duke ikur me vrap, por u prangos pas ndjekjes.

Nga operacioni u kontrolluan 4 shtëpi në ishull dhe 4 në Athinë ku u sekuestrua kokainë, kanabis, peshore elektronike, një pistoletë, fishekë, një makinë dhe 6865 euro.

Lexo edhe :  Kryetari i Komisionit të Prokurimit Publik, Jonaid Myzyri raporton në Kuvend: Gjatë 2020 janë paraqitur 741 ankesa për procedura prokurimi

Shefi i grupit kriminal sipas mediave greke ishte një i skeduar për disa ngjarje kriminale duke filluar nga grabitje, tentativë vrasje, arratisje nga spitali i burgut duke hapur zjarr në drejtim të policisë, armëmbajtje, drogë dhe vepra të tjera penale.

Por në 2015 ai ishte lënë i lirë pasi i ishte pezulluar dënimi me 25 vite, që iu ul nga 47.6 vite në total.


Të fundit

Ish-Zonja e Parë e El Salvador dënohet me 10 vite burg, ja sa milionë dollarë duhet ti kthejë shtetit

Drejtësia në shtetin e vogël amerikano-qendror, El Salvador ka goditur ish-Zonjën e Parë të vendit. Ana Ligia de Saca është...

“Do hash tullë në kokë”, 61-vjeçari sherr me adoleshentët në Tiranë

Një 61 vjeçar thotë se është rrahur me një adoleshent i cili për shkak të pemëve dhe hijes që bëjnë ato, qëndronte poshtë një...

Automjeti përplas tek vijat e bardha kalimtarin në Durrës, dërgohet në gjendje të rëndë në spital

Një aksident është regjistruar pasditen e sotme në Nishtullë të Durrësit. Raportohet se një automjet i cili po voziste me shpejtësi të lartë ka goditur...

Vodhën çantën me lekë, arrestohen adoleshentët që grabitën me maskë anti-COVID

Dy adoleshentë nga Kosova janë arrestuar sot në Tropojë, pasi akuzohen se i vodhën me dhunë çantën e dorës një qytetareje. Të arrestuarit janë...

Një sulmues i armatosur vret 100 qytetarë në Burkina Faso

Një sulmues i armatosur ka vrarë rreth 100 civilë në një qytet në veri të Burkina Faso. Ky është sulmi më i përgjakshëm, që...

Lajme të tjera

Web TV