Ushqimet që rekomandohet të konsumohen në ditët e nxehta të verës

113 563 lexime

106,048FansaPëlqeje

Ditët e nxehta të verës ndikojnë në mënyrën e ushqyerjes tonë.

Por cilat janë ushqimet që duhet të konsumojmë gjatë verës për të qenë sa më aktiv dhe të shëndetshëm?

Ekspertët kanë përgatitur një listë me ushqime që ju ndihmojnë të përballoni  ditët përvëluese.

Pikë së pari, kur temperaturat nuk dinë të ulen, duhet të pini shumë ujë që të rimëkëmbni nivelin e lëngjeve të humbura nëpërmjet djersës.

USHQIMET QË DUHEN KONSUMUAR

Shalqini

Është një frut i shijshëm dhe perfekt për këtë stinë. Shalqini përmban likopen që mund t’ju mbrojë nga dëmet e ekspozimit në diell. Likopeni është një pigment që u jep frutave dhe perimeve ngjyrën e ndezur të kuqe.

Burime të tjera të likopenit janë domatet, papaja e gatuar, qitro ngjyrë rozë etj. Luleshtrudhet janë të kuqe, por ngjyra e tyre vjen nga një përbërës tjetër dhe jo nga likopeni.

Sallatat

Sallata jeshile, kastraveci, selinoja dhe rrepa përmbajnë mbi 95 përqind ujë. Ngrënia e këtyre ushqimeve në ditë të nxehta do ju ndihmojë të plotësoni dozën e rekomanduar prej 8 gotash me ujë në ditë. Në këtë mënyrë do të jeni të hidratuar dhe do të ndieni freski. Luleshtrydhet dhe kungujt e njomë përmbajnë gjithashtu shumë ujë.

Çaji

Pijet e ftohta janë tejet joshëse në ditët e nxehta, por e vërteta është se pijet e ngrohta ose të vakëta mund të ndihmojnë të rregullojnë temperaturën e trupit.

Çaji nxit urinimin dhe djersitjen por avullimi i kësaj të fundit është një nga mënyrat më të mira për rregullimin e temperaturës së trupit dhe ruajtjen e ekuilibrave të nxehtësisë.

Pirja e një lëngu të ngrohtë nënkupton që trupi preket nga një dallgë nxehtësie që rrit nivelin e djersës së sekretuar nga trupi që është më e rëndësishme se nxehtësia e brendshme që përftohet nga kjo pije.

Lexo edhe :  Gjaku i hardhucës mund të shërojë Covid 19, shkencëtarët: Proteinat e tyre pengojnë...

USHQIMET QË DUHEN SHMANGUR

Alkoli

Mund të ndiheni të zhgënjyer, por alkoli duhet shmangur. Ndonëse pirja e një gote me verë tingëllon si një zgjidhje e freskët për të kaluar pikun e të nxehtit, e vërteta është që alkoli shkakton dehidratim, veçanërisht gjatë kushteve ekstreme të motit. Alkoli nxit djersitjen dhe urinimin dhe rrjedhimisht dehidratimin.

Mangot

Në të njëjtën mënyrë si alkoli, mango nxit urinimin dhe djersitjen ndaj duhet shmangur në mot të nxehtë. Rrini larg koprës, shpargut dhe argjinares për të njëjtat arsye.

Mishi

Në mot të mirë, dëshira për piknik në natyrë në shoqërinë e zgarës në gjatë fundjavave në jug të vendit rritet, por mishi duhet shmangur në ditë të nxehta.

Tretja e proteinave të mishit kërkon shumë energji, rrjedhimisht ka nevojë për një proces që quhet ‘thermogenesis’. Merreni shtruar me mishin, por mos u kurseni me ujin.

 


Të fundit

Ushqimet që rekomandohet të konsumohen në ditët e nxehta të verës

Ditët e nxehta të verës ndikojnë në mënyrën e ushqyerjes tonë. Por cilat janë ushqimet që duhet të konsumojmë gjatë...

Drogë dhe armë në makine, policia arreston 38-vjeçarin në Fier

Policia e Fierit ka arrestuar një 38-vjeçar, pasi është kapur me drogë dhe armë. Në pranga ka rënë shtetasi Sokol Sapiqoti, të cilit gjatë kontrollit...

Aksident në Gjirokastër, plagosen rëndë dy drejtuesit e mjeteve

Një aksident i rëndë ka ndodhur para pak minutash në aksin nacional Gjirokastër-Kakavijë pranë NSHN. Në motoçikletë është përplasur me një autoveturë në rrethana ende...

“Na ka dhunuar si familje”/ Manushaqe Picari me lot në sy: Gocën e kanë rrahur dhjetë veta, i kanë thyer brinjët

Manushaqe Picari e ëma e Dhurata Saliaj në një lidhje direkte në Fax Tv ka zbuluar detaje të tjera nga konflikti mes vajzës së...

Guvernatori Sejko për ndikimin e pandemisë në ekonomi: E kaluam me sukses testin

Bilanci paraprak i situatës i shërben evidentimit kritik të pikave të forta e të dobëta të ekonomisë dhe të sistemit tonë financiar, si dhe...

Lajme të tjera

Web TV