Gjykata e Fierit ka dhënë sot masën për Luftar Panahori, shoferi i kamionit që shembi urën e Darzezës dhe ra në lumë.
Gjykata ka vendosur “arrest shtëpie” për 52 vjeçarin.
52-vjeçari ka kaluar mbi urë jashtë tonazhit të parashikuar duke mos respektuar as tabelën sinjalistike.
“Specialistët për Hetimin e Krimeve në Komisariatin e Policisë Fier arrestuan në flagrancë për veprën penale “Shkatërrimi i rrugëve” shtetasin Luftar Panahori, 52 vjeç, banues në Roskovec, pasi në orët e para të mëngjesit të djeshëm, duke drejtuar automjetin me një rimorkiator mbi të cilin kishte ngarkuar një skrep, ka kaluar në urën e rrugës automobilistike Fier-Darzezë jashtë tonazhit të parashikuar në tabelën sinjalistike, duke e shëmbur urën”, njofton Policia kur ndodhi ngjarja.
