Publikoi video në Tik-Tok, gjyqtarja Enkeleda Kapedani jep dorëheqjen

113 563 lexime

106,048FansaPëlqeje

Enkeleda Kapedani ka dhënë dorëheqjen si zv.kryetare e Gjykatës së Elbasanit, pas publikimit të videove në rrjetin social Tik-Tok.

Ka nisur në Këshillin e Lartë Gjyqësor seanca dëgjimore për procedimin disiplinor të kerkuar nga Inspektori i Lartë i Drejtësisë, Artur Metani ndaj magjistrates Enkeleda Kapedani.

“Në rastin konkret ekzistojnë kushtet ligjore për caktimin ndaj magjistrates Enkeleda Kapedani të masës provizore të pezullimit nga ushtrim i detyrës deri në përfundimin e procedimit disiplinor, për shkak se vazhdimi i magjistratit në detyrë diskrediton rëndë figurën dhe pozitën e magjistratit,” është shprehur Metani.

Prezent në seancë është edhe gjyqtarja Kapedani. Kapedani e ka nisur me një ndjesë, ndërsa thekson se po gjykohet për shkak të veshjes dhe shijes muzikore.

“Shpresoj që zëri im të dëgjohet, do e nis me një ndjesë publike. Po gjykohem për veshjen, pamjen apo shijen muzikore,” ka thënë gjyqtarja.

Gjyqtarja ka thënë më tej se videot që u publikuan në rrjetin social Tik-Tok i ka bërë nga stresi. Kapedani ka pranuar publikimin e videove, duke e cilësuar si mëkatin e vetëm të saj.

“Kam bërë video për shkak të lodhjes dhe stresit. Por nuk kam pasur si qëllim t’i publikoj. Gjithë kjo që ka ndodhur është tmerr personal, moral, për mua prindërit dhe bashkëjetuesin. Të gjithë po më bëjnë gjyq popull mediatik dhe moral. Pres nga ju një vendim të pa anshëm. Të vetmin mëkat që kam bërë është publikimi i videove,” ka shtuar Kapedani.

Kapedani ka komunikuar dorëheqjen e saj në seancën dëgjimore të Këshillit të Lartë Gjyqësor, ku ka dhënë sqarimet për videot e publikuara.

Në këtë situatë u bëra kokë turku, por i kërkoj KLGJ të jetë gjak ftohtë. Mos lejoni që bota e krimit të ndikojë tek vendimi juaj. Kërkoj ndjesë edhe me shprese që KLGJ do të japë një vendim të drejtë,” u shpreh gjyqtarja.

Lexo edhe :  “Covid Free”/ Prej dy javësh asnjë i infektuar me virus në 31 qytete të Shqipërisë

Kapedani kërkoi ndjesë për mënyrën sesi është shfaqur, duke pranuar se mëkati i saj i vetëm është publikimi i videove. Ndër të tjera ajo tha se po gjykohet për veshjen dhe shijen e saj muzikore, duke shtuar se videot i ka bërë pasi ka qenë e stresuar.

Inspektori i Lartë i Drejtësisë, Artur Metani në fillim të seancës kërkoi nga KLGJ pezullimin e gjyqtares për shkak se vazhdimi në detyrë, sipas tij diskrediton rëndë figurën dhe pozitën e magjistratit.


Të fundit

Publikoi video në Tik-Tok, gjyqtarja Enkeleda Kapedani jep dorëheqjen

Enkeleda Kapedani ka dhënë dorëheqjen si zv.kryetare e Gjykatës së Elbasanit, pas publikimit të videove në rrjetin social Tik-Tok. Ka...

Ardit Gjebrea feston ditëlindjen , merr urimin më të veçantë nga i biri

Sot ka festë në familjen Gjebrea pasi Arditi feston përvjetorin e lindjes. Mes urimeve të shumta, moderatori ka marrë dhe një nga djali i...

Vendoset prefekti i ri Elbasanit, ja kush është ai

Spiro Maliqi sot ka marrë detyrën e prefektit të Elbasanit. Ai zëvendëson në këtë post Klevis Xhoxhi i cili u zgjodh deputet në Elbasan...

Bledi Çuçi publikon videon nga shembjet në Ksamil: Shkelësit do vihen para ligjit

Ministri i Brendshëm Bledi Çuçi ka publikuar pamjet nga shembja e ndërtimeve pa leje në Ksamil në kuadër te operacionit “Bregdeti Ynë”. Ai shprehet se...

Problemet për Navalnyn s’kanë të sosur, kthehet në dhomën e tij të burgut

Politikani i burgosur opozitar Aleksei Navalny është transferuar nga spitali i burgut në dhomën e tij të burgut në rajonin Vladimir. Një zyrtar i burgut...

Lajme të tjera

Web TV