Sekuestrohen miliona euro pasuri të biznesmenit të dëbuar nga Italia

113 563 lexime

106,048FansaPëlqeje

Policia e Shtetit vendos nën sekuestro pasuritë e biznesmenit të dëbuar nga Italia, Gëzim Sallaku, të vëllait të tij, S. S., si dhe të shtetasit R. K

Sipas uniformave blu, janë vënë në sekuestro preventive disa prona që kapin vlerën rreth 3 milionë euro, dhe që dyshohet se janë përfituar nga veprimtaria kriminale e shtetasit Gëzim Sallaku.

Njoftimi:

Vendoset sekuestro preventive mbi disa prona që kapin vlerën rreth 3 milionë euro, në pronësi të dy vëllezërve dhe të një shtetasi tjetër.

Në vijim të punës për identifikimin, gjurmimin, gjetjen dhe sekuestrimin e pasurive që rrjedhin nga veprimtaria kriminale në fushën e pastrimit të parave, pas një pune të mirëfilltë hetimore dhe profesionale të kryer nga Njësia për Hetimin e Krimit Ekonomik e Financiar në Drejtorinë Hetimore në Departamentin e Policisë Kriminale, në bashkëpunim të ngushtë me Prokurorinë e Rrethit Gjyqësor Durrës, u bë i mundur finalizimi i hetimeve 3-vjeçare në ngarkim të dy vëllezërve dhe të një shtetasi tjetër, me të cilin dy vëllezërit kanë lidhje shoqërore.

Si rezultat i hetimeve të kryera dhe provave të grumbulluara, Gjykata e Rrethit Gjyqësor Durrës vendosi sekuestron preventive për pronat e shtetasve Gëzim Sallaku, S. S. dhe R. K., banues në Durrës, prona të dyshuara të përfituara nga veprimtaria kriminale e shtetasit Gëzim Sallaku, të cilat janë të regjistruara edhe në emër të shtetasve S. S. dhe R. K., konkretish – Sekuestro 100% të aksioneve të shoqërisë “GSA Sallaku” sh.p.k, me aktivitet “Import, eksport, tregti autoveturash, kamionësh etj”, me seli në Durrës, me ortak të vetëm dhe administrator shtetasin Gëzim Sallaku;

– 2 apartamente, në Durrës, në emër të shtetasit Gëzim Sallaku;

– 20.600 m2 sipërfaqe toke arë, në Durrës, në emër të shtetasit Gëzim Sallaku;

Lexo edhe :  Atdheu konfirmon ndarjen nga Sara: ‘’ I kam vënë vizën disa personave që më quanin vëlla’’

– 1000 m2 sipërfaqe toke truall, mbi të cilën janë ndërtuar 2 banesa me sipërfaqe 140 m2 secila, në Durrës, në emër të shtetasit Gëzim Sallaku;

– Një godinë banimi dykatëshe dhe 2 apartamente banimi, në Durrës, në pronësi të shtetasit R. K.;

13 automjete të markave të ndryshme në pronësi të shoqërisë tregtare “GSA Sallaku”.

Vazhdon puna nga Njësia e Hetimit të Krimit Ekonomik e Financiar, për identifikimin e pasurive të tjera të këtyre personave dhe lidhjeve të tyre familjare dhe shoqërore.

Shtetasi Gëzim Sallaku ka kryer veprimtari kriminale dhe është dënuar në shtetin italian nga viti 1999 – 2008.

Njësia për Hetimin e Krimit Ekonomik në Drejtorinë Hetimore në Departamentin e Policisë Kriminale, në bashkëpunim me Prokurorinë e Rrethit Gjyqësor Durrës, në vitin 2018, nisur nga disa transferta të dyshimta bankare të shtetasve të sipërpërmendur, ka filluar hetimin për veprën penale “Pastrimi i produkteve të veprës penale ose të veprimtarisë kriminale”.

Materialet për ekzekutimin e Vendimit të Gjykatës iu dërguan Prokurorisë pranë Gjykatës së Shkallës së Parë Durrës.


Të fundit

Sekuestrohen miliona euro pasuri të biznesmenit të dëbuar nga Italia

Policia e Shtetit vendos nën sekuestro pasuritë e biznesmenit të dëbuar nga Italia, Gëzim Sallaku, të vëllait të tij,...

Bëri tatuazh simbolin nazist në zonën intime, burg për 29-vjeçarin

Një ushtar 29-vjeçar në Austri është dënuar me 19 muaj burg, pasi bëri tatuazh simbolin nazist (svastika) në zonën intime. Ushtari kishte publikuar foto të...

Shkencëtarët ringjallin kafshën e ngrirë 24 mijë vjeçare

Shkencëtarët kanë arritur të ringjallin një kafshë të vogël që është ngrirë në akullnajën siberiane për 24,000 vjet. Pasi u ngroh dhe u ushqye,...

Hapja e kufijve me BE/ Varhelyi: E vendosin vetë shtetet! Rama: Ne jemi më mirë se ato sa i përket shifrave

Kryeministri Edi Rama dhe Komisioneri i BE për Zgjerimin, Varhelyi janë pyetur gjatë konferencës për shtyp për lëvizjen gjatë pandemisë dhe kushtet e vendosura. Rama...

I preku të vithet teksa po ushtrohej në palestër, e pëson keq trajneri

Një vajzë e quajtur Fern arriti të filmonte një trajner palestre duke ia prekur vithet pa lejen dhe pëlqimin e saj. Ajo postoi videon në...

Lajme të tjera

Web TV