Plas sherri mes policit dhe qytetarit/ I riu: Nuk keni ç’më bëni, jam gangster, do ta shikoni çfarë do t’ju bëj sonte

113 563 lexime

124,178FansaPëlqeje

Një ngjarje e pazakontë është regjistruar ditën e sotme në Tiranë, ku një 26-vjeçar ka goditur një polic. I riu u përplas me policinë teksa po ndiqej prej tyre, por ai pretendon se goditi njërin nga oficerët pasi ai e shau. Burime bëjnë me dije se shtetasi me iniciale A.L. qëlloi policin, pasi ky i fundit mësohet t’i ketë thënë “o b*thq*r më shkele këpucët që i ka blerë 200 euro”. Por ky version i të akuzuarit nuk konfirmohet nga policët e tjerë pjesë e grupit të kontrollit që këmbëngulin se e ndaluan gjatë ushtrimit të detyrës, ndaj dhe i riu u shoqërua në komisariat për kundërshtim të forcave të rendit.

“Rreth orës 16.00, në rrugën “Reshit Petrela”, pranë një supermarketi morëm informacion nga një qytetar që në mes të pallateve tre persona po konsumonin drogë”,-dëshmon oficeri i policisë me inicialet A.K., i moshës 30 vjeç.

Në raport shërbimi, thuhet se më pas patrulla e “Shqiponjave” është afruar në vendin ku u kallëzua. Aty u konstatuan tre shtetas, mes tyre edhe i dyshuari në fjalë.

“Në vendin ku qëndronin ata të tre, kishte një erë si ajo e kanabisit dhe ndaj kërkuam të ushtronim kontroll fizik, madje duke iu shpjeguar edhe arsyet e kontrollit fizik”,-deklarohet në dosje.

Por i dyshuari ka kundërshtuar, thotë polici, duke shtuar: “Jam përdorues dhe hashashi mu bëftë shëndet”. I dyshuari ka vijuar të përplaset më pas me oficerët, duke pretenduar se ishte poshtë shtëpisë dhe e shikonin prindërit.

“Nuk keni ç’më bëni, jam gangster, do ta shikoni çfarë do t’ju bëj sonte, mbajeni mend. Unë kam bërë burg dhe nuk pyes për ju, do ju sjell SHÇBA-në, do ju heq nga puna do ju shkrij”, citojnë secili nga oficerët t’i ketë kërcënuar i riu që nuk ka pranuar kontrollin fizik.

Lexo edhe :  "Ushqimi për mua është ilaç", modelja e famshme tregon se si e trajtoi depresionin

Oficeri tjetër dëshmitar në aksion, pohon se duke parë refuzimin, ata e rrethuan të riun që reagoi, duke goditur nga krahët njërin prej tyre.

“Ai e kapi kolegun nga rrobat, atij i ranë stemat në tokë dhe gjithashtu i theu radion e policisë, të cilin kolegu e mbante në sup”,-përshkruan polici tjetër në komisariat.

Sipas burimeve të gazetës “Si” në dorën e policit të sulmuar, u vërejtën skuqje dhe gërvishtje me përmasa 0.5 deri në 3 cm. Por i riu, menjëherë pasi ka përfunduar në komisariat ka filluar mbrojtjen, duke kujtuar se po qëndronte me kushërinjtë poshtë banesës, kur aty mbërriti një patrullë policie. Ai i tha agjentëve se nuk pranoi kontrollin e policisë, pasi nuk kishte asgjë të paligjshme dhe se këtë fakt ia kishte vënë në dukje patrullës.

“Gjatë kësaj kohe, kur po bisedoja këtë gjë, njëri nga oficerët me motor, m’u afrua dhe unë pa dashje i shkela këpucën. I kërkova menjëherë falje, por ai u përgjigj: O b*thq*r më shkele këpucët që kam blerë 200 euro”,- pretendon si shkak të nisjes së konfliktit i riu. Ai i thotë policisë se në këtë çast, u irritua nga edukata e munguar e efektivit.

“Por u vetë përmbajta duke i kërkuar përsëri falje, ndërsa ai vazhdoi me të njëjtat fjalë. I thashë vazhdo bëj detyrën tënde, pasi për sjelljen dhe etikën tënde ka ku të ankohem.”

I riu insiston se kjo fjali i ka acaruar të gjithë policët që vazhdimisht, sekondë pas sekonde kryen sjellje provokuese me qëllim që ai të reagonte dhunshëm, por që sipas të dyshuarit ai në asnjë moment nuk e humbi toruan dhe nuk preku asnjë nga oficerët. Por pyetjes së policisë se si e shpjegonte ai dëmtimin e radios, veshjes dhe gjymtyrëve të policit, ai i përgjigjet prerë: “Nuk e kam idenë, pyesni policin”.

Të fundit

Një fenomen i pazakontë fshihet në Mars/ Hulumtimet e reja bëjnë bujë tek shkencëtarët

Duke përdorur kamera stereo me rezolucion të lartë, orbiteri Mars Express i NASA-s kapi imazhe të rajonit Noctis Labyrinthus...

“Sazani”/ Projekti i dhëndrit të Trump, mund ta shndërrojë në Singaporin e Europës

Një prej investitorëve më të mëdhenj amerikanë, kompania “Affinity Partners”, e sipërmarrësit Jared Kushner, dhëndri i ish presidentit Donald Trump synon ndërtimin e një...

Përse në Himarë opozitarët bojkotuan Berishën dhe Metën?

Nga Mero Baze Votimi për kryetarin e përkohshëm të Bashkisë së Himarës brenda Këshillit Bashkiak, zbuloi se Fredi Beleri gëzon mbështetjen e 19 për qind...

E Premtja e Zezë në Shkodër, besimtarët përkujtojnë kalvarin e vuajtjeve të Jezu Krishtit

Para Festës së Pashkës, besimtarët katolikë kanë nisur të kremtojnë mbrëmjen e kësaj të premteje “Udhën e Kryqit”. Në Shkodër ajo nisi nga katedralja e...

Heidi dhe Romeo i thonë ‘po’ njëri-tjetrit, çifti puthet dhe shkëmbejnë unazat (Video)

Në shtëpinë e BBV3, ka nisur dasma e shumëpritur e Heidit dhe Romeos. Heidi e veshur si nuse dhe Romeo si dhëndër kanë kurorëzuar dashurinë...

Lajme të tjera

Web TV