Netanyahu humbet pushtetin pas 12 vitesh, kryeministri i ri Izraelit zotohet të bashkojë kombin

113 563 lexime

120,178FansaPëlqeje

Kryeministri i ri i Izraelit Naftali Bennett është zotuar të bashkojë kombin e shkatërruar nga katër zgjedhje në dy vite bllokim politik.

Bennett tha se qeveria e tij do të “punojë për hir të të gjithë njerëzve”, duke shtuar se përparësitë do të ishin reformat në arsim, shëndetësi dhe shkurtimi i burokracisë.

Nacionalisti i krahut të djathtë do të drejtojë një koalicion të mbështetur dhe me votim nga deputetët të dielën.

Ai zëvendëson Benjamin Netanyahu, i cili u detyrua të largohej nga detyra pas 12 vjetësh.

Bennett, udhëheqësi i partisë Yamina, do të jetë kryeministër deri në shtator të 2023 si pjesë e një marrëveshje për ndarjen e pushtetit.

Ai pastaj do t’ia dorëzojë pushtetin Yair Lapid, kreut të partisë qendrore Yesh Atid, për dy vite të tjera.

Netanyahu – kryeministri më jetëgjatë i Izraelit – do të mbetet kreu i partisë së krahut të djathtë Likud dhe do të jetë udhëheqës i opozitës.

Gjatë debatit të së dielës në Knesset (parlament) në Jeruzalem, me zë sfidues Netanyahu premtoi: “Ne do të kthehemi”.

Koalicioni i ri u miratua në një votim të ngusht me 60-59, dhe një abstenim.

Pas votimit, Netanyahu shkoi tek Bennett dhe i dha dorën.

Në fjalën e tij, Bennett tha: “Kjo nuk është një ditë zie. Ka një ndryshim të qeverisë në një demokraci. Kjo është e gjitha.

Ne do të bëjmë gjithçka mundemi që askush të mos ketë frikë … Dhe unë u them atyre që synojnë të festojnë sonte, mos vallëzoni mbi dhimbjen e të tjerëve. /MCN.tv

 

 


Të fundit

Nju Jork: Përurohet rruga “Gjergj Kastrioti-Skënderbeu”

Me vendim të Bashkisë së Nju Jorkut, një rruge në lagjen Bronks iu shtua edhe emri i heroit kombëtar...

U plagos në lokalin e Noizyt, Ardit Kërtusha: Atentati do kryhej nga vr*sës me pagesë

Zbardhet dëshmia e Ardit Kërtushës. Burimet bëjnë me dije se Kërtusha mohon që ngjarja të ketë ndodhur për motive banale apo konflikt të çastit...

“Kemi mbetur pa lidership në nivel lokal”/ Rama: Procesi duhet të përfundojë në vjeshtë

Kryeministri Edi Rama, në fjalën e mbajtur në takimin e Këshillit koordinues të qarkut Tiranë, takim i mbajtur në kuadër të zgjedhjes së strukturave...

Borrell: Duhet të hapim negociatat me Shqipërinë para përfundimit të presidencës franceze

Përfaqësuesi i Lartë i BE, Josep Borrell ka bërë një deklaratë për mediat pas takimit të ministrave të jashtëm të BE-së ku ka kërkuar...

Demokrati nga Kukësi i shpreh dashurinë Berishës: Të kam në zemër, me ty deri në vdekje

Gjatë takimit të Berishës në Kukës, njëri prej mbështetësve të tij i ka shprehur dashurinë. Ai i tha Berishës se atë e thërrasin Muharrem...

Lajme të tjera

Web TV