Rama: Zgjedhjet u njohën nga OSBE/ODIHR, drejtësia po lëviz

113 563 lexime

106,048FansaPëlqeje

Kryeministri Edi Rama ka dhënë një intervistë për televizionin francez “France 24”, ku u pyet për çështjen e zgjedhjeve, integrimin e vendit dhe reformën në drejtësi.

Shqipëria shpreson për hapjen zyrtare të negociatave të pranimit të vendit të saj në Bashkimin Evropian, të cilat janë bllokuar për disa vjet. Kryeministri shqiptar Edi Rama mbetet i kujdesshëm, edhe pse mendon se vendi i tij duhet “normalisht” të marrë dritën jeshile nga Brukseli. Frankofoni beson se Shqipëria është përfshirë në një “betejë” për të reformuar sistemin e saj gjyqësor përballë korrupsionit, një shenjë që ai thotë për ardhjen e një “demokracie funksionale”. Kjo është përmbledhja e televizioni “France 24 gjatë një interviste që dha kryeministri Edi Rama. Përballë gazetares Caroline de Camaret, kreu i qeverisë u ndal tek dënimi i ish-kryeprokurorit Adriatik Llalla apo dhe tek procesi i integrimit të vendit drejt BE si dhe te pandemia dhe lufta kundër korrupsionit. Kreu i qeverisë shqiptare e quajti një sinjal të mirë për shtetin e së drejtës, dënimin e ish-kryeprokurorit Llalla. “Nëse Shqipëria nuk do të kishte probleme, sot do të ishim në BE. Prandaj ne kemi hyrë në këtë betejë për të reformuar drejtësinë. Nëse ish-kryeprokurori, dhe ish-personalitete të gjyqësorit dhe politikës dënohen është një sinjal i mirë për shtetin e të drejtës, prandaj ne vazhdojmë këtë proces negociatash, për të ndërtuar një shtet të së drejtës, një demokraci funksionale”, u shpreh Rama. Teksa u ndal tek integrimit, Rama tha se nuk nuk e surprizon asgjë në Bruksel. “Duhet thënë që para pandemisë ishte vendosur që negociatat do të hapeshin. Më pas u mor vendimi për të shtyrë konferencën. Unë tashmë pres dhe nuk më surprizon asgjë në Bruksel, sepse ka çdo ditë dinamika të brendshme, ka çdo ditë një histori që është e vështirë”, pohoi ai. Mes të tjerash kryeministri u ndal dhe tek zgjedhjet e 25 prillit, ndërsa cilësoi se ato u njohën nga OSBE/ODHIR-i. “Ne kemi një raport nga OSBE/ODIHR që janë shumë të qartë për integritetin e fushatës dhe zgjedhjeve. Jam shumë i kënaqur që mu bë pyetja, se kam lexuar artikuj të pavërtetë edhe në Francë. Nuk janë të dhëna personale individuale që kanë dalë, por janë dhënë tek organizata e partisë, që nuk kanë lidhje me të dhënat personale. Së pari, të dhënat dhe regjistri i gjendjes civile në Shqipëri ka qenë publik në internet përgjatë viteve. Së dyti, numri i kartave të Identitetit, nuk është personal. Është një numër që tregon që këtë kartë e ka ky person në shërbimin civil, por nuk është e dhënë sensitive”, tha Rama. Po ashtu Rama vlerësoi vendimin e BE për të hapur dyert për shqiptarët, ndërsa u shpreh se “Kemi bërë një punë që është serioze dhe me rezultate që janë vlerësuar nga e gjithë bota. E gjithë Shqipëria është në krye të listës evropiane për vaksinimin masiv dhe me shifra optimale për infektimet dhe fatalitetet. Unë personalisht kam bërë Pfizer, por në vend i kemi të katërta vaksinat. Ne kemi Pfizer, AstraZeneca, Sinovac dhe Sputnik. Ne kemi një sukses sipas statistikave që jemi me nivelin e riskut 1. Në Shqipëri mund të hysh mund të dalësh, pa test pa asgjë. Maskat që prej javës së shkuar nuk janë të detyrueshme, kemi ende një vendim për mbajtjen e maskave brenda, por nuk ka probleme me vendosjen e masave që detyrojnë qytetarët”, nënvizoi Rama.


Të fundit

Lulzim Basha-Sali Berisha, një miqësi e tradhtuar

Vera e re ne fuçinë e vjetër Nga ROLAND QAFOKU Nuk kam qenë kurrë në një mendje me ata që thonë...

Rama: Zgjedhjet u njohën nga OSBE/ODIHR, drejtësia po lëviz

Kryeministri Edi Rama ka dhënë një intervistë për televizionin francez “France 24”, ku u pyet për çështjen e zgjedhjeve, integrimin e vendit dhe reformën...

Me u gjend Kola në punë

Nga Plator Nesturi Pas mbledhjes së Kryesisë së PD ku u la afat 30 korriku për të kryer një analizë parafabrikate e që do të...

Shpërthim me tritol në një biznes në aksin Lezhë-Milot, pronari nga Tirana (Emri)

Një shpërthim me tritol është shënuar në aksin Milot-Lezhë gjatë orëve të vona të mbrëmjes. Bëhet me dije se trioli është vënë në mobilerinë e...

Mot i kthjellët dhe temperatura të larta, parashikimi për ditën e sotme

Orët e para të ditës paraqiten me kthjellime dhe vranësira të lehta, ku më të dukshme vranësirat do jenë në skajin verior, aty ku...

Lajme të tjera

Web TV