ONM ankimoi vendimin për Elisabeta Imerajn, reagon Yuri Kim: Koha për të thyer modelet e vjetra që dëmtojnë Shqipërinë

113 563 lexime

106,048FansaPëlqeje

Ambasadorja Yuri Kim ka reaguar përmes një postimi në twitter lidhur me rekomandimin e ONM, drejtuar Komisionerit Publik për të ankimuar vendimin e KPK për kryeprokuroren e Tiranës, Elisabeta Imeraj.

“Në përputhje me rolin e tyre kushtetues në procesin e vetingut, vëzhguesit ndërkombëtarë dje u rekomanduan Komisionerëve Publikë që të apelojnë vendimin e Komisionit të Pavarur të Kualifikimit për një çështje të rëndësishme.” -shkruan Ambasadorja Kim, ndërsa shton se duhet ndjekur me kujdes se cdo të ndodhë më procesin.

“Të gjithë duhet të ndjekim nga afër se çfarë do ndodhë më pas. Përgjigjja do të jetë shfaqje guximi & integriteti në dhënien e drejtësisë apo, siç kemi parë shumë shpesh në të kaluarën, shmangie e përpjekjeve duke sulmuar procesin e vetingut & përfolur vëzhguesit ndërkombëtarë?” thekson znj. Kim ndër të tjera. Një apel të fundit ambasadorja amerikane ia rezervon mediave.

“A do t’i shërbejnë mediat publikut dhe ta mbulojnë këtë çështje me integritet, apo do të marrin telefonata dhe do të pranojnë të qëndrojnë të heshtur dhe të verbër? Është koha për të treguar guxim dhe integritet. Koha për të thyer modelet e vjetra që dëmtojnë Shqipërinë. Koha që Shqipëria të ecë përpara, hap pas hapi. Shtetet e Bashkuara të Amerikës do të jenë me ju”, përfundon ambasadorja Kim reagimin e saj.

Operacioni Ndërkombëtar i Monitorimit (ONM), i rekomandoi Komisionerëve Publikë që të ankimojnë vendimin e Komisionit të Pavarur të Kualifikimit (KPK) për konfirmimin në detyrë të prokurores Elizabeta Imeraj, e cila drejton aktualisht Prokurorinë e Tiranës. Rekomandimi i ONM-së vjen pasi KPK publikoi vendimin e zbardhur për Elisabeta Imerajn, e cila ishte vlerësuar pozitivisht në të tria kriteret. Por ekspertët ndërkombëtar nga ana e tyre rekomandojnë që ankimimi duhet gjithashtu të përfshijë të tria kriteret.


Të fundit

ONM ankimoi vendimin për Elisabeta Imerajn, reagon Yuri Kim: Koha për të thyer modelet e vjetra që dëmtojnë Shqipërinë

Ambasadorja Yuri Kim ka reaguar përmes një postimi në twitter lidhur me rekomandimin e ONM, drejtuar Komisionerit Publik për...

I bëjnë propozim për martesë në stadium, moderatorja shqiptare refuzon yllin e Real Madridit sepse…

Moderatorja Gea Braha e nisi karrierën e saj si velinë e emisionit Fiks Fare dhe gjatë viteve që ishte pjesë e emisionit investigativ merrte...

 EURO 2020/ Italia kërkon zhvendosjen e finales në Romë , reagon UEFA: Nuk ka plan për ndryshimin e stadiumit

Kryeministri i Italisë, Mario Dragi ka hedhur së fundmi idenë që finalja e Euro 2020, të zhvendoset nga Londra në Romë. Kjo si pasojë...

I akuzuar për korrupsion, KLP pezullon nga detyra prokurorin Sali Hasa

Këshilli i Lartë i Prokurorisë (KLP) ka vendosur me votë unanime pezullimin nga detyra të prokurorit Sali Hasa, prokuror në Prokurorinë pranë Gjykatës të...

Kokainë dhe lojëra fati/ Në pranga dy biznesmenët dhe punonjësi në Tiranë

Policia e Tiranës ka arrestuar dy vëllezër dhe ka shpallur në kërkim vëllain tjetër pasi gjatë kontrollit në lokalin e tyre u gjet një...

Lajme të tjera

Web TV