Mbrëmjen e sotme kanë mbërritur në Shqipëri edhe 16 380 vaksina Pfizer. Në total, numri i vaksinave të mbërritura në vendin tonë deri tani ka shkuar në 1 120 070 doza.
Lajmi bëhet i ditur nga kryeministri Edi Rama, ndërsa në Rinas ishin edhe ambasadorët Luigi Soreca dhe Christian Steiner.
“16,380 doza të vaksinës Pfizer sapo kanë mbërritur në Shqipëri, nga kontrata e qeverisë shqiptare me kompaninë Pfizer si dhe pjesë e mbështetjes së Bashkimit Europian, të siguruara nga qeveria austriake.
1,120,070 vaksina anticovid kanë mbërritur deri tani në Shqipëri, për të vijuar pa u ndalur me planin kombëtar të vaksinimit, për mbrojtjen e jetës dhe shëndetit të qytetarëve.
Ministrja Ogerta Manastirliu, Ambasadori Luigi Soreca dhe Ambasadori, Christian Steiner në Aeroportin “Nënë Tereza”, shkruan Rama./
