Presidenti i Shteteve të Bashkuara të Amerikës Joe Biden ka bërë me dije së fundmi se për të rritur sa më shumë numrin e të vaksinuarve punonjësit shëndetësorë do të nisin fushatën shtëpi më shtëpi.
Biden ka bërë me dije se deri më tani 160 milionë amerikanë kanë përfunduar vaksinimin ndërkohë ka bërë apel që të gjithë të vaksinohen si një mënyrë për tu mbrojtur nga variant i ri i Covid, Delta.
Presidenti amerikan nuk përjashtoi që vaksinat të bëhen në klinika private dhe nëse është e mundur, në vendin e punës, por edhe me njësi të lëvizshme në festivale, ngjarje dhe vendet e adhurimit.
Numrat e vaksinimeve ditore në SHBA ranë ndjeshëm pasi arritën kulmin në prill.
Në një kohë, më shumë se tre milion doza të vaksinës janë dhënë çdo ditë, por në javët e fundit, ky numër ka rënë në 700,000 doza.