Gjonaj: I nevojshëm pastrimi i gjyqësorit

113 563 lexime

106,048FansaPëlqeje

Ministrja e Drejtësisë, Etilda Gjonaj, e pranishme në konferencën “Forcimi i drejtësisë nëpërmjet bashkëpunimit të ngushtë midis institucioneve të drejtësisë”, deklaroi se “sot nuk kemi thjesht ligjet e reja dhe arkitekturën e re të sistemit të drejtësisë, nuk kemi vetëm institucionet e reja, dhe njerëz të rinj të zgjedhur me procese transparente dhe të pandikuara politikisht në krye të këtyre institucioneve, por kemi një sistem të drejtësisë penale tërësisht të ndryshuar, në të cilën garantohen parimet dhe standardet e pavarësisë dhe paanësisë, transparencës dhe profesionalizmit”. Sipas saj, të gjitha institucionet e drejtësisë janë gati për të vazhduar punën, pasi të gjitha vendet janë plotësuar. “Ngritja dhe funksionimi i Këshillit të Lartë të Prokurorisë, të SPAK-ut, të emërimit të Prokurorit të Përgjithshëm, janë rezultate të cilat janë shumë të vlerësuara si një hap i jashtëzakonshëm, aspak i lehtë që janë bërë në drejtim të sistemit të ri penal. Tashmë, është plotësisht funksionale edhe Byroja Kombëtare e Hetimit, dhe pritshmëria për të pasur një sistem drejtësie penale që godet krimin e organizuar dhe korrupsionin, është në nivelet më të larta”, tha ajo. Sipas numrit një të Drejtësisë, pastrimi nga prokurorët e korruptuar ishtë një proces i nevojshëm. “Procesi i pastrimit të sistemit të prokurorisë ashtu si dhe gjyqësorit, ishte një proces më se i nevojshëm, i cili ka dhënë rezultate shumë të mira dhe që do të vijojë të mbështetet nga ne”, theksoi Gjonaj. Ministrja nënvizoi se “vetëm nëpërmjet bashkëpunimit dhe ndërveprimit institucional, ne mundet të çojmë para angazhimin që të gjithë kemi marrë përpara qytetarëve shqiptarë dhe të përmbushim pritshmëritë për një sistem drejtësie të pavarur, të paanshëm dhe të efektshëm”.


Të fundit

Gjonaj: I nevojshëm pastrimi i gjyqësorit

Ministrja e Drejtësisë, Etilda Gjonaj, e pranishme në konferencën “Forcimi i drejtësisë nëpërmjet bashkëpunimit të ngushtë midis institucioneve të...

Emërimi i kreut të AMA-s, “zgjon Bashën”/ Reagon edhe OSBE

Kreu i PD-së Lulzim Basha e ka qujatur emërimin e Armela Krasniqit si një harbutëri në dëm të të gjithë shqiptarëve dhe të Shqipërisë....

Futbolli përrallor i Anglisë

Roland Qafoku “A është kjo ëndrra më e madhe që kemi parë ndonjëherë”? “Historibërësit”. “Futboll përrallor”. “Anglia bën historinë”. “Djaloshi i finales”. “Kane you beleive...

Arrestimet/ Kim: Do shihni shumë në ditët në vijim

Ambasadorja amerikane tha se suksesi nuk varet vetëm nga puna e një institucioni të vetëm teksa bëri thirrje që të ketë më shumë bashkëpunim...

Sfida për ekonominë prevalon lojën politike

Nga Plator Nesturi   Në daljen e fundit, Guvernatori i BSH, përcolli disa lajme pozitive për ekonominë. Duken si lajmet më pa vlerë ndërsa kronikat mediatike...

Lajme të tjera

Web TV