Itali-Spanjë, Franca “kurorëzon” Donnarumën

113 563 lexime

124,178FansaPëlqeje

Nga i dyshimtë në hero, pas asaj gjysmëfinaleje ndaj Spanjës në Paris ku mbërritja e Donnarumës pritej me një farë skepticizmi, tanimë po shkrihet grupimi që ishte rreshtuar apriori me Keylor Navas. Për L’Equipe në fakt, ish-portieri i Milan është pjesë e traditës së madhe të portierëve italianë, një duarartë.

Pas suksesit ndaj Spanjës Donaruma ka marrë bekimin e gazetës që i ka kushtuar gjysmëfinales së të martës plot 7 faqe duke përfshirë të parën me titullin Allegria, i dedikohet skuadrës së Mancinit që për mediat franceze di të fitojë duke argëtuar por edhe duke vuajtur, duke alternuar futbollin modern me traditën e vjetër mbrojtëse.

Një ndër më të spikaturit është Donnaruma, duke i dhnë notën 7 me etiketimin duarartë. Është ai më i miri i të kaltërve sipas L’Equipe që shkruan: “Në moshën 22-vjecare, pason traditën e portierëve të mëdhenj italianë finalistë, që nga Toldo hero i gjysmëfinales së Euro 2000, te Buffon kampion i Botës në 2006.

Edhe Donnaruma la gjurmën e tij në këtë gjysmëfinale, perfekt në një goditje të Oyarzabal, në një goditje dënimi të Olmo, duke kthyer me gryshta çdo tentativë. Por asgjë nuk vlen më shumë se sa penalltia e pritur ndaj Morattës, me atë aftësi për t’u hedhur në tokë, kaq të mrekullueshme për një portier që është 196 centimetra i gjatë. Do ta kenë vlerësuar dhe tifozët e PSG, dhe nëse në Paris duhet vendosur se kush do të jetë titullar në bazë të penalltive, beteja është e fortë”.

Referimi i L’Equipe është natyrisht për 34-vjeçarin Navas, që vjen pas dy sezonesh si protagonist me PSG, i vlerësuar nga tifozët për paraqitjet dhe aftësinë prej lideri, e po ashtu dhe nga mediat lokale që e kishin pritur me një farë skepticizmi vendimin e klubit të Emirit të Katarit, për t’i besuar 22-vjeçarit italian. Por tani para syve të të gjithëve janë faktet, dhe portieri nga Kosta Rika duhet të bëjë llogaritë me një koleg që është 12 vjet më i ri, i vendosur të imponohet edhe te PSG. Si titullar, ashtu siç është në këtë kombëtare me të cilën kërkon titullin kontinental.

Të fundit

“Mos më picko”/ Plas sherri në kuzhinë, Egla e spërkat me ujë, ja si reagon Ilnisa

Një situatë mjaft e pakëndshme ka ndodhur në kuzhinën e BBV3, ku Ilnisa dhe Egla zihen keq me njëra-tjetrën. Ilnisa...

Kandidimi i Belerit në Himarë/Minxhozi:Qëllimi për të prishur marrëdhëniet Shqipëri-Greqi

Analisti Skënder Minxhozi foli për marrëdhëniet diplomatike mes Shqipërisë dhe Greqisë. Minxhozi deklaroi në emisionin “Real Story” në ABC News, se kandidimi i Fredi Belerit si...

Natasha e TikTok dhe djali i saj rikthehen në burg, akuzohen për keqtrajtim të të miturit

Gjykata e Apelit të Kuçovës ka vendosur të lërë në fuqi masën arrest në burg ndaj, Armando Kumarakut dhe Natasha Romblas, e njohur edhe...

Më shumë para në pleqëri? Shumë e thjeshtë

Nëse je i ri dhe sapo ke nisur të punosh, me shumë gjasa periudha e pensionit të duket shumë e largët. Të kesh disa mijëra...

I dënuar për shpërdorim detyre, lirohet nga burgu ish-kryebashkiaku i Fushë Arrëzit

Lirohet nga qelia ish-kryebashkiaku i Fushë Arrëzit, Fran Tuci, i dënuar me shpërdorim detyre së bashku me dy bashkëpunëtorët e tij Durim Margjekaj dhe...

Lajme të tjera

Web TV