Shkencëtarët më të mirë të cilët studiojnë ndryshimet klimatike, pranuan se nuk arritën të parashikojnë intensitetin e fenomeneve ekstreme të motit, si përmbytjet në Gjermani apo temperaturat rekorde në Amerikën e Veriut.
Ata kanë paralajmëruar saktë gjatë dekadave se ngrohja globale do të shkaktojë reshje intensive shiu dhe temperatura të larta, por sipas tyre sistemet kompjuterike që kanë në dispozicion nuk mund të parashikojnë ekzaktësisht intensitetin e fenomeneve.
Ekspertët kërkojnë që qeveritë të investojnë më shumë fonde për ndërtimin e një super-kompjuteri të specifikuar në ndryshimet e klimës.
Shkencëtarja e klimës Profesoresha Dame Julia Slingo tha për BBC News :”Ne duhet të alarmohemi sepse modelet kompjuterike për parashikimin e motit nuk janë mjaftueshëm të mirë. Ne kemi nevojë për një qendër ndërkombëtare për të ofruar informacionin e sakët. Nëse nuk e bëjmë këtë, ne do të vazhdojmë të nënvlerësojmë intensitetin, frekuencën e fenomeneve ekstreme dhe natyrën e tyre”. /BBC
