Veliaj takim me homologun Bakoyannis: Finalizojmë projektet për ngritjen e Qendrës kulturore shqiptare

113 563 lexime

106,048FansaPëlqeje

Gjatë takimit në Athinë, në kuadër të një simpoziumi të organizuar prej ish-kryeministrit George Papandreu, kryetari i bashkisë së Tiranës, Erion Veliaj u prit në një takim nga kryetari i bashkisë së Athinës, Kosta Bakoyannis. Dy homologët shprehën bindjen se e ardhmja u përket të rinjve dhe dakordësuan të punojnë në projekte të përbashkëta.

“Jam shumë i lumtur që kemi vendosur një raport mes qyteteve, ku po planifikojmë për vitin që vjen gjatë të cilit Tirana do të jetë Kryeqyteti Europian i Rinisë. Kemi përkushtimin që të rinjtë e Shqipërisë dhe Greqisë, e dy kombeve fqinje, që kanë ndarë një histori shumë të gjatë të marrëdhënieve në Ballkan, të lidhen me njëri-tjetrin. Sa më shumë të lidhen të rinjtë, aq më shumë avancojnë projektet tona të përbashkëta”, tha Veliaj.

Një vëmendje të posaçme në këtë takim morën edhe çështjet që shqetësojnë emigrantët shqiptarë që jetojnë në Greqi dhe programet integruese të tyre në jetën e përditshme greke. Kryebashkiaku Veliaj vlerësoi shkallën e lartë të integrimit të emigrantëve shqiptarë në Greqi dhe theksoi se bashkë me kryetarin Bakojanis po punohet për të mundësuar edhe ngritjen e qendrës kulturore shqiptare në Athinë.

“Duam shumë që, ashtu siç ecëm në Tiranë me Parkun Helen, ashtu të vazhdojmë këtu me një qendër shqiptare të kulturës, për t’u siguruar që raportet i kemi konkrete. Besoj fort se nëse i trajtojmë me dinjitet qytetarët, si në Tiranë, si në Athinë, atëherë e kemi kthyer realisht në një vëllazëri të vërtetë raportin mes qyteteve tona. Për të gjithë bashkatdhetarët, ne do të kthehemi prapë në vjeshtë me një delegacion pak më të madh, për të finalizuar këto projekte, si qendrën e kulturës shqiptare, po ashtu edhe Kryeqytetin e Rinisë; ku do të kemi një axhendë të përbashkët mes dy qyteteve tona”, nënvizoi Veliaj.

Lexo edhe :  Nisma "Gati për Shqipërinë"/ Rama bisedë online me të rinjtë: Po bëni diçka të dobishme për vendin

Kryetari i bashkisë së Athinës, Kostas Bakoyannis përshëndeti punën që po bëhet nga kryebashkiaku Veliaj në krye të Bashkisë së Tiranës. Ai theksoi se dy qytetet kanë sfida të përbashkëta në të ardhmen, ndaj duhet bashkëpunuar për t’u dhënë brezave të ardhshëm mundësinë për një të ardhme të sigurt.

“Kur isha në Tiranë folëm për fillimin e një bashkëpunimi dhe një udhëtimi të ri, thelbësor, esencial, ndërmjet dy kryeqyteteve. Ai është këtu për të vazhduar rrugëtimin tonë të përbashkët dhe për të arritur rezultatet që duam. Mos harroni që ne kryebashkiakët vlerësohemi nga veprat, jo nga fjalët, por nga përmbajtja dhe produkti final. Do vazhdojmë me të njëjtin ritëm dhe besoj se shumë shpejt ky bashkëpunim mes dy vendeve do të përkthehet në të mirën e kryeqyteteve tona”, theksoi Kostas Bakoyannis.

Në fund të takimit, Kryetari i Bashkisë Erion Veliaj i dorëzoi kryebashkiakut Bakoyannis “Kullën e Sahatit” të Tiranës, ndërsa homologu i tij i dhuroi një kravatë me simbolin e Athinës.


Të fundit

Veliaj takim me homologun Bakoyannis: Finalizojmë projektet për ngritjen e Qendrës kulturore shqiptare

Gjatë takimit në Athinë, në kuadër të një simpoziumi të organizuar prej ish-kryeministrit George Papandreu, kryetari i bashkisë së...

WhatsApp sjell risinë e re: Mund të dërgoni mesazhe pa përdorur celularin

WhatsApp po teston një veçori të re që do t'i lejojë njerëzit të dërgojnë mesazhe pa përdorur telefonin e tyre për herë të parë....

Shtyhet seanca për Adriatik Llallën në 29 korrik, mungonte avokati

Seanca për Adriatik Llallën është shtyrë për më 29 korrik, kjo sepse mungonte avokati Sokol Hazizaj. Mësohet se Llalla ishte i pranishëm në seancë,...

Skandali në spitalin “Shefqet Ndroqi”/ Tirja lirohet nga burgu, Gjykata i ndryshon masën

Gjykata ka vendosur të ndryshojë masën e sanitares Tire Alldervishi e cila ishte e përfshirë në skandalin e ndodhur në spitalin “Shefqet Ndroqi”. Mësohet se...

Fatos Tushe u arrestua, zgjidhet kryetarja e re e Bashkisë Lushnjë (Emri)

Eriselda Sefa do të jetë kryetarja e re e Bashkisë Lushnjë, pas votimit të 34 anëtarëve të pranishëm, me 29 vota pro, 4 vota...

Lajme të tjera

Web TV