A do të ketë ndryshime në qeveri? Veliaj nuk e përjashton: Kryeministri ka në fokus ripërtëritjen

113 563 lexime

106,048FansaPëlqeje

Kryetari i Bashkisë së Tiranës, Erion Veliaj nuk përjashton mundësinë se shtatori dhe qeveria e mandatit të tretë të Partisë Socialiste mund të vijë e ripërtërirë.

“Ajo që di dhe shoh është se Kryeministri ka filluar një diskutim, ftesë, dialog të jashtëzakonshëm me të rinjtë”, tha ai në një intervistë për News24.

Kryebashkiaku nuk përjashton ndryshimet dhe ripërtëritjen edhe brenda vetë Partisë Socialiste.

“Një parti që nuk hapet ndaj të rinjve është e destinuar të ketë fatin e PD dhe LSI. I njëjti kryetar, kunat, qepen dhe ja ku janë. Suksesi i PS ka qenë hapja. Fakti që kryeministri ka kaluar 15 seanca është fokusi tek ripërtëritja e partisë dhe administratës. Do të shihni shumë të reja, edhe në nivel drejtues dhe teknik”, vijoi ai.

Veliaj iu referua takimeve të organizuara nga ana e Kryeministrit Edi Rama në kuadër të nismës “Gati për Shqipërinë”.

Sipas kryebashkiakut, energjitë e reja nevojiten për të siguruar kapacitetet teknike për procesin e negocimit me Bashkimin Europian. “Do të jetë gjueti talentesh për qeverinë dhe projekte speciale”, deklaroi ai.

Gazeta Shqip ka paralajmëruar së fundmi përmes shkrimeve të saj se qeveria “Rama 3” do të pësojë disa ndryshime thelbësore në krahasim me qeverinë që po mbyll mandatin. Sipas burimeve të Gazeta “Shqip”, kryeministri Edi Rama po mendon të rrisë numrin e ministrive. Të paktën do të ketë tre ministri më shumë në “Rama 3”.

Mendohet të ndahet ministria e Ministria e Infrastrukturës dhe Energjisë, ndërsa një ide më vete është edhe krijimi i Ministrisë së Ekonomisë me vete dhe e Financave më vete. Sipas burimeve mësohet se tashmë edhe godina e re ministrore për infrastrukturën është gati dhe se pritet që me ndryshimet e votimin e ministrave në Parlament të ndahet më dysh administrata e Ministria e Infrastrukturës dhe Energjisë, duke ia ndarë në mënyrë specifike dhe fushat.

Lexo edhe :  Shpërthimi i bombolës në Velipojë/ Ndërron jetë 15-vjeçarja në Itali, vajza e madhe u përcoll sot në banesën e fundit

Gjithashtu pritet edhe reduktimi i ministrave të Shtetit, ku mund të shkrihet posti i ministrit të Sipërmarrjes.

Më 9 shtator pritet të mblidhet parlamenti i ri i dalë nga zgjedhjet e 25 prillit. Më pas, Edi Rama duhet të paraqesë te presidenti emrat e qeverisë së re me gjasa me 14 ministri, ku mund të plotësohet edhe ideja e hedhur se ministër në qeverinë e tij do të ketë emra të rinj, si dhe përfaqësues nga 12 qarqet e Shqipërisë.


Të fundit

Eli Fara mori 8 vite pagë si “Drejtore” në 2 ministri/ Bëri 65 udhëtime me Fatmir Mediun në SHBA dhe BE

Fatmiri e Eli kanë udhëtuar bashkë si “Delegacion pune”, kur në fakt këngëtarja shkonte për koncerte private, ndërsa “princi”...

Këshilli i Sigurimit në OKB, Xhaçka: Sot filluam intervistat me kandidatët për ekipin që do përfaqësojë Shqipërinë

Kanë filluar sot në Ministrinë e Jashtme intervistat me kandidatët për ekipin që do të përfaqësojë Shqipërinë në Këshillin e Sigurimit në OKB. Lajmi...

A do të ketë ndryshime në qeveri? Veliaj nuk e përjashton: Kryeministri ka në fokus ripërtëritjen

Kryetari i Bashkisë së Tiranës, Erion Veliaj nuk përjashton mundësinë se shtatori dhe qeveria e mandatit të tretë të Partisë Socialiste mund të vijë...

Manovra të rrezikshme dhe të dehur në timon, Policia Rrugore arreston 18 shoferë dhe pezullon 64 leje drejtimi

Gjatë 48 orëve të fundit Policia Rrugore ka çuar në pranga 18 drejtues mjetesh, 10 prej të cilëve janë arrestuar për drejtim mjeti në...

Miku i mirë në Ditë të Vështira”/ Balla publikon fotot e shqiptarëve që po ndihmojnë për pastrimin e qytetit Bad Neunar

Përmbytjet katastrofike kanë shkaktuar një situatë shumë të rëndë në zonat e prekura në Gjermani. Kryetari i Grupit Parlamentar të Partisë Socialiste Taulant Balla ka...

Lajme të tjera

Web TV