Lufta kundër trafikut ka ndryshuar kah

113 563 lexime

124,178FansaPëlqeje

Nga Plator Nesturi

 

Trafiku i narkotikëve nga grupet shqiptare zë vend kryesor sërish në mediat evropiane. Lajmet që vijnë nga vendet fqinje për goditjen e strukturave kriminale dhe sekuestrimin e sasive të drogës, dhe deri në arrestimet e DEA në Kolumbi të trafikantëve shqiptarë, kanë qenë në fokus të medias. Periudha e verës në fakt ka qenë çdo vit e ngarkuar me ngjarje të tilla. Sidoqftë kemi një ndryshim të dukshëm krahasuar me vitet e shkuara. Njoftimet për goditjen e grupeve kriminale e kryesisht të trafiqeve vinin kryesisht nga jashtë. Në këtë vit duket se ka një angazhim më të madh të insitucioneve shqiptare në luftën kundër trafiqeve. Kemi një sërë operacionesh të organeve ligjzbatuese, që kanë patur sukses si në sekuestrimin e sasive të konsiderueshme të drogës në territorin shqiptar ashtu dhe bashkëpunime me institucionet analoge të partnerëve ndërkombëtare. Në këtë vit, jemi të ndërgjegjshëm që rezultatet ndaj krimit në përgjithësi dhe trafiqeve kanë qenë më efektive, çka jep një besueshmeri më të madhe si institucioneve të reja të drejtësisë ashtu dhe uniformave blu. Krimi dhe bota rreth tij nuk u shpik apo u shfaq sot. Ajo aty ka qenë dhe në aktivitetin e saj ajo nuk njeh ngjyra partiake, por si qëllim të saj ka realizimin e një fitimi të shpejtë. Dikur, nga vetë ambasada amerikane ndërsa përmendej me shqetësim rrezikshmëria e botës së krimit sidomos në ekonominë shqiptare, deklarohej se ka katër klane mafioze e 20 familje në botën e krimit. Kjo dëshmonte dhe përmasat e rrezikshmërisë së tyre dhe se ky realitet ish përftuar pas një peiudhe të gjatë, ku palët politike ose kanë mbyllur sytë, ose i kanë përdohur herë pas here në luftën e tyre ndaj kundështarëve politikë. Sot, në realitet e reja, nuk kemi deklarata për klane fuqiplotë nga ndërkombëtarët. Natyrisht krimi dhe aktivitetet e trafiqeve ekszistojnë dhe do të jenë aty, por është fakt se kemi dhe një rritje të efektshmërisë së punës së Policisë dhe organeve të drejtësisë. Vetë reforma në drejtësi duket se po jep efektet e veta dhe kjo ngjall rritje të besueshmërisë të vetë efektivëve në punën e tyre, kur kohë më parë vetë ata ndiheshin të pafuqishëm përballë krimit. Vite më parë, shkrirja e strukturës së Task Force në Prokurorinë e Tiranës u kritikua rëndë nga ambasada amerikane dhe të BE. Jo thjesht se për prokurorët e gjykatësit ishin harxhuar fonde për specializimin e tyre, por dhe për faktin se si strukturë e specializuar po operonte kryesisht në krimin ekonomik. Dhe ku është krimi ekonomik ndodhet vetë krimi, i rrugës, i trafiqeve, i korrupsionit dhe më gjerë. Heqja e Task Force atëherë pati bekim politik. Sot me mbështetjen e SHBA dhe BE kemi SPAK, që është një realitet më lart si dhe një vullnet politik të ndryshëm. Ka shumë për të bërë por gjithësesi krimi dhe trafiqet nuk mund të luftohen pa një kombinim dhe dëshirë të këtyre vullneteve.

Lexo edhe :  Ushqimet që duhet të hani nëse doni që të zgjasni më shumë në shtrat

 

 

Të fundit

Ledjona tregon për të atin pas daljes nga “BBV3”: Ka pasur probleme shëndetësore

Në një intervistë të dhënë në “Ftesë në 5”, Ledjona ka folur për herë të parë për familjen e...

EMRAT/ Kush janë të arrestuarit nga SPAK në Bashkinë e Tiranës

Emrat e dejtorëve të Erion Veliajt në Bashkinë e Tiranës të arrestuar ditën e sotme nga SPAK janë bërë publike. Mësohet se në pranga kanë...

Rryma e oqeanit përshpejtohet me nxehtësinë. Problem për akullin e Antarktidës

Shkenca Rryma Rrethore e Antarktikut intensifikohet me rritjen e temperaturave: është e destinuar të rritet në shpejtësi dhe të hajë akullin.   Elisabetta Intini   Çfarë mbart më...

I lumtur deri në… budallallëk

Nga Leonard Veizi Të lumtur në jetë të jetëve... Epo kjo është sentencë krejt folklorike. Sepse realiteti nuk do shumë mund për t’u kuptuar se është...

Investimet e huaja/ Rama projekton rritje me 4 miliardë dollarë

Kryeministri Edi Rama në fjalën e tij në mbledhjen e Këshillit Ekonomik Kombëtar, e sheh dialogun mes qeverisë dhe sipërmarrjes, si një nga rrugët...

Lajme të tjera

Web TV