Abonetë e përgjithshme u pezulluan për një muaj, Veliaj sqaron: Kompanitë i falsifikonin, do largohen nga qarkullimi

113 563 lexime

106,048FansaPëlqeje

Kryetari i Bashkisë së Tiranës, Erion Veliaj shpjegoi dje se pezullimi për më pak se 1 muaj i aboneve të përgjithshme në Tiranë, u bë për të parë se cilat linja autobusësh spekulonin me to. Në prezantimin e linjës së gjelbër dhe flotës së parë të autobusëve hibrid/elektrik në Tiranë, Veliaj deklaroi se kompani spekulante kanë falsifikuar në shumë raste abonetë dhe biletat.

“E kishim të nevojshme që ta pezullonim qoftë edhe një muaj abonenë e përgjithshme, ndërkohë që abonetë e tjera u shitën normalisht në treg, për të kuptuar se cila nga linjat funksiononte, cila gënjente, cila abuzonte dhe cila bënte evazion. Shpeshherë jemi lënë në baltë edhe nga prokuroria, edhe nga ata që kanë filluar hetimet për linja që dihen botërisht se janë spekulantë, por na duhet një dokument ligjor. Janë kapur linja që falsifikojnë bileta, që falsifikojnë abonenë, janë kapur linja që i shesin ato në treg të zi dhe spekulojnë me mënyrën se si funksionon aboneja e përgjithshme “, theksoi Veliaj.

Kreu i Bashkisë paralajmëroi se të gjitha kompanitë që janë kapur në shkelje dhe kanë abuzuar me shërbimin ndaj qytetarëve, nuk do të lejohen të operojnë më.

“Ishte shumë e rëndësishme të përgatiteshim për hapjen e një linje të re, duke kuptuar dhe duke bërë një analizë se çfarë nuk shkonte me linjat e vjetra. Bashkë me lajmin e mirë të hapjes së linjës së re, do të kemi edhe disa lajme të tjera për disa linja që nuk do të vazhdojnë më funksionimin në qytetin e Tiranës, o prej ndotjes së jashtëzakonshme që kanë prodhuar, ose prej faktit se në mënyrë sistematike mashtrojnë publikun dhe Bashkinë e Tiranës, si me abonetë, si me biletat, si me shërbimin”, tha Veliaj.

Lexo edhe :  Ambasadorja Yuri Kim: Të pamëshirshëm për të goditur trafikun e armëve dhe drogës

Për të rritur shërbimin, Bashkia e Tiranës së bashku me projektin e GIZ, ka pajisur të gjithë autobusët me GPS për të vëzhguar sesi kryhet shërbimi e më çfarë shpejtësie ecin autobusët.

“Chip-i i GPS do na tregojë ekzaktësisht si është kryer shërbimi, se kur ka qenë në stacion, me çfarë shpejtësie ka ecur mjeti. Do të kemi mundësi që dhe t’i provojmë Gjykatës Administrative kur marrim vendime për të hequr një linjë ose vendime për të larguar operatorë spekulantë nga qyteti i Tiranës”, u shpreh Veliaj.


Të fundit

Abonetë e përgjithshme u pezulluan për një muaj, Veliaj sqaron: Kompanitë i falsifikonin, do largohen nga qarkullimi

Kryetari i Bashkisë së Tiranës, Erion Veliaj shpjegoi dje se pezullimi për më pak se 1 muaj i aboneve...

Plagosja e 52-vjeçarit në Shkodër/ U qëllua nga RENEA gjatë operacionit për arrestimin, dyshohet se…(Detajet)

Ardjan Narkaj, 52-vjeçari nga Kopliku që mbeti i plagosur sot në Shkodër është qëlluar nga RENEA gjatë operacionit për arrestimin e tij. Narkaj ishte në...

Mori tre plumba, kush është 52-vjeçari i shpallur në kërkim që u plagos në Shkodër (Emri)

Tre plumba ka marrë 52-vjeçari që u plagos mëngjesin e sotëm në Shkodër. Mësohet se i plagosur ka mbetur 52-vjeçari Ardjan Narkaj, i cili ka...

Majlinda Kelmendi e pafat në këto Lojëra Olimpike! Kampionia e botës eliminohet që në start

Majlinda Kelmendi ka zhgënjyer në Lojërat Olimpike duke u eliminuar që në raundin e parë. Kampionia e botës në Rio 2016 me Kosovën, kishte përballë...

Flota e parë e autobusëve të gjelbër “Go Green” në Tiranë, Rama: Në gusht nis linja e madhe unazore me 66 stacione

Nga gushti do të futen në qarkullim autobusët e gjelbër “Go Green”, të cilët do të përshkruajnë linjën e madhe unazore prej 13.2km me...

Lajme të tjera

Web TV