Balluku: 9 ujësjellësa në Tepelenë e Memaliaj pjesë e projektit për efiçencën e energjisë

113 563 lexime

106,048FansaPëlqeje

Ministrja e Infrastrukturës dhe Energjisë, Belinda Balluku, së bashku me Drejtorin e Agjencisë për Efiçencën e Energjisë, Eltar Deda, ishin në Memaliaj ku ndoqën nga afër zbatimin e projektit në një prej këtyre ujësjellësave.

“Kemi implementuar tre elementë të efiçencës së energjisë. Së pari, furnizimin me energji nëpërmjet elementëve fotovoltaik. E dyta, duke ndryshuar të gjithë sistemin e pompave dhe duke vendosur pompa brenda kritereve të Bashkimit Europian. Së treti, instalimi i programit SCADA rrit edhe efektshmërinë e funksionimit të këtyre pompave dhe të vetë ujësjellësit”, sqaroi drejtori Deda.

Ministrja Balluku theksoi se këto projekte, me impakt pozitiv jo vetëm për qytetarët, por edhe në performancën e ndërmarrjeve të ujësjellësit do të shtrihet edhe në bashki të tjera të vendit.

“Për ne është shumë i rëndësishëm integrimi i këtyre projekteve, siç është rasti i ujësjellësit dhe i eficiencës së energjisë, pra i Agjencisë dhe i AKUM-it. Sigurisht është në të mirë dhe në dobi të qytetarëve para së gjithash. Të gjitha proceset ku përmirësohen, qofshin këto nga ana teknologjike, siç është rasti i pompave, qofshin këto nga ana e kostove operative, siç është rasti i paneleve diellorë, përfituesi i parë është padyshim qytetari. Qytetari është ai i cili merr shërbim më të mirë, më shumë ujë në rubinet, më cilësor dhe padyshim pastaj fillojnë një sërë përfitimesh, që ka bashkia dhe Agjencia”, nënvizoi Balluku.

Efiçenca e energjisë, theksoi Ministrja e Infrastrukturës dhe Energjisë, është po kaq e rëndësishme sa edhe prodhimi i energjisë, duke shtuar se gjatë mandatit të tretë qeverisës janë planifikuar një sërë projektesh të rëndësishme në sektorin energjetik, të cilat synojnë ta kthejnë Shqipërinë në një vend eksportues të energjisë elektrike.

Lexo edhe :  Masa të nxehta ajore, ja si pritet të jetë moti këtë të diel

“Mandati i tretë do të jetë një mandat i rëndësishëm për fushën energjetike, pasi projekte të mëdha janë përgatitur dhe do të implementohen, siç është ndërtimi i hidrocentralit të Skavicës apo rivitalizimi i TEC-it të Vlorës, kthimi i tij në funksion me gaz të lëngshëm, duke bashkëpunuar me kompani të mëdha amerikane, por nga ana tjetër ajo që gjithmonë themi është se rritja e konsumit duhet shoqëruar edhe me efiçiencën e energjisë elektrike. Duke nisur që nga banesat. Rritja e prodhimit vendas është shumë e rëndësishme, po aq e rëndësishme është dhe ulja e konsumit energjetik, duke vënë në zbatim të gjitha projektet e efiçiencës energjetike”, u shpreh Balluku.

Agjencia për Efiçencën e Energjisë ka nisur zbatimin e projekteve pilot me synim shtrirjen investimeve në tre sektorë që janë, ai banesave, transportit dhe sektorin e industrisë.


Të fundit

Balluku: 9 ujësjellësa në Tepelenë e Memaliaj pjesë e projektit për efiçencën e energjisë

Ministrja e Infrastrukturës dhe Energjisë, Belinda Balluku, së bashku me Drejtorin e Agjencisë për Efiçencën e Energjisë, Eltar Deda,...

Me shpejtësi të lartë dhe të dehur në timon, policia arreston 16 shoferë

Në kuadër të planit operacional ‘Respekto rregullat e qarkullimit, shpëto jetë’, policia ka vijuar me kontrollet në zonat me risk të lartë për ngjarjet...

“Pa makinë e celular, në shtëpi me qira”, si jetonte bosi shqiptar i drogës në Kolumbi

Shqiptari Agim Çerma i njohur ndryshe si “Jimmy”, i përfshirë në një organizatë kriminale për 7 vite fshihej pas jetës së thjeshtë që mundohej...

“Do bëhet pishman kur të rritet”, Ajola Xoxa tregon si e refuzoi Kajani Dua Lipën

Ardhja e Dua Lipës në Shqipëri ka qenë lajmi kryesor i ditëve të fundit në media. Këngëtarja shqiptare me famë botërore, pasi vizitoi Bashkinë e...

SIGAL UNIQA Group Austria vlerësohet sërish me çmimin më prestigjoz “Superbrands Albania’s Choice”

SIGAL UNIQA Group Austria ka fituar çmimin e parë të “SUPERBRANDS INTERNATIONAL” duke u shpallur si brandi më i mirë në fushën e industrisë...

Lajme të tjera

Web TV