Anija Apollo 15 zbret në Hënë modulin Falcon për eksplorim. Ky ishte dhe automjeti i parë Rover në Hënë.
Apollo 15 (26 korrik 1971 – 7 gusht 1971) ishte misioni i nëntë i ekuipazhit në programin Apollo të Shteteve të Bashkuara dhe i katërti që u ul në Hënë.
Ekuipazhi i anijes Apollo 15 përbëhej nga atronautët David Skot, Alfred Uorden dhe Xhejms Irvin. Ata u nisën nga Toka në korrik 1971 dhe zbritën në Hënë në zonën e quajtur Hadley Rille afër Maleve Apenine, në veriperëndim të vendin ku ishte ulur Apolli 11.
Astronautët e Apollo 15 u kthyen pa problem në Tokë. Shkencëtarët u befasuan nga gurët që ata sollën me vete. Njërin prej tyre, shkencëtarët e quajtën Guri i Gjenezës, sepse besohet të ketë një moshë prej 4 miliardë vjetësh. Sipas shkencëtarëve, ky gur ishte krijuar kur Hëna kishte qënë në moshën e saj më të herëshme. Gjithashtu, dheu që astronautët sollën nga Hëna përmbante copa kristali në ngjyrë portokalli. Shkencëtarët thonë se ky kristal ishte rezultat i materialeve të krijuara në një thellësi prej 300 kilometrash nën sipërfaqen e Hënës.
Ky ishte misioni i parë me një qëndrim më të gjatë në Hënë dhe një fokus më të madh shkencor sesa uljet e mëparshme. Kozmonautët kaluan 181⁄2 orë në sipërfaqen e Hënës dhe mblodhën 77 kilogram të materialit sipërfaqësor.