Presidentja e Kosovës Vjosa Osmani ka deklaruar se do të ndajë Medaljen Presidenciale për “Sundim të Ligjit” për të ndjerin Beau Biden, të birin e Presidentit amerikan Joe Biden për kontributin e tij gjatë shërbimit të tij në Kosovë.
Lidhur me këtë, Kreu i Shtëpisë së Bardhë falenderon presidenten Osmani me anë të një video-mesazhi, duke konfirmuar partneritetin e palëkundur të SHBA-së për Kosovën, madje dhe ndihmën që po i ofron dhe do i ofrojë në vazhdim lidhur dhe me luftën ndaj pandemisë së Covid.
“Puna e Beaut në Kosovë ka qenë e përzemërt. Ai e ka dashur shtetin tuaj”, i ka thënë Biden presidentes Osmani.
“Duke pranuar këtë çmim në emër të djalit tonë, dua të duartrokas progresin e jashtëzakonshëm që Kosova ka bërë këto 20 vitet e fundit. Kam qenë atje disa herë, dhe të gjithë njerëzit që punojnë pa u lodhur për të ndërtuar një të ardhme më të ndritur që Beau ka besuar për njerëzit e Kosovës. Ka edhe shumë punë për të bërë që nuk kam nevojë të ju tregoj më shumë punë për të luftuar korrupsionin, për të mbrojtur të drejtat e pakicave etnike dhe religjioze, për të ndërtuar marrëdhënie pozitive me shtetet fqinje dhe për të rritur zhvillimin ekonomik. Ju zotohem se Shtetet e Bashkuara do të mbeten partneri i palëkundur i Kosovës në këtë punë, kështu që së bashku ne mund të dëshmojmë se demokracitë, demokracitë janë në gjendje të ofrojnë për nevojat e njerëzve të tyre”, shprehet Biden.
