Pas Shqipërisë dhe Maqedonisë së Veriut është shënuar viktima e parë nga zjarret edhe në Greqi.
“Protothema” raporton se bëhet fjalë për një zjarrfikës vullnetar, 38 vjeç, i cili humbi jetën gjatë përballjes më flakët në vendin e quajtur Ipokratio Politia.
Mësohet se zjarrfikësi ishte dërguar në gjendje kritike për jetën në spital, ku ndërroi jetë. Sipas dëshmive të të pranishmëve ai mori një goditje në kokë nga rënia e një shtylle.
Vatrat e zjarrit kanë dalë jashtë kontrollit në Atikë, ndërsa erërat pritet që t’i intensifikojnë flakët gjatë orëve të pasdites.
Në zonat Afidnes, Ippokratio Politia dhe Kryoneri zjarret kanë përfshirë shtëpitë, bizneset dhe makinat.