Arrestohen 11 drejtues mjetesh, policia apel shoferëve: Mos fluturoni në rrugë për të arritur sa më parë detin

113 563 lexime

106,048FansaPëlqeje

Policia e Shtetit ka bërë bilancin e 24 orëve të fundit dhe njofton se janë vënë nën pranga 11 drejtues automjetesh, janë pezulluar 39 leje drejtimi, si dhe janë ndëshkuar me gjobë 1762 shoferë.

Policia vjen me një apel shumë të fortë për të gjithë shoferët, të cilëve ju bën thirrje të ecin me kujdes, të mos kryejnë parakalime të gabuara dhe të mos drejtojnë mjetin në gjendje të dehur.

Njoftimi i plotë i policisë:

Respektoni rregullat e qarkullimit rrugor që të arrini në destinacion🏠 të sigurt dhe me patentë në xhep.

➡️ Mos fluturoni në rrugë për të arritur sa më parë detin, se në rastin më të mirë do arrini radarin dhe policin rrugor dhe në rastin më të keq aksidentin🚑.

➡️ Në çdo aks rrugor në të gjithë vendin ka patrulla të Policisë Rrugore me 📸🚔📹📟, për një qëllim: sigurinë e jetës.

➡️ Mos qarkulloni me shpejtësi që cenojnë sigurinë e jetës në rrugë, mos drejtoni mjetin nën efektin e alkoolit apo në gjendje të dehur, mos kryeni parakalime të gabuara, mos përdorni celularin gjatë drejtimit të mjetit, qëndroni në radhë ku ka ngadalësim të lëvizjes, pasi fluksi i automjeteve në drejtim të zonave bregdetare e anasjelltas është shumë i lartë.

Shpejtësi që variojnë nga 130km/h deri në 192 km/h në rrugën interurbane Levan-Vlorë, drejtim mjeti nën efektin e alkoolit dhe më keq akoma në gjendje të dehur (nga 0.35 mg/l deri në 1.12 mg/l) dhe parakalime të rrezikshme duke mos qëndruar në radhë për shkak të fluksit apo për të arritur sa më parë në destinacion, janë rrezik i madh për jetën e të gjithë përdoruesve të rrugës.

Lexo edhe :  Avni Ponari: “Pool-et” në sigurime, domosdoshmeria e ndarjes së rriskut në sigurime

👉 Përgjatë 24 orëve të fundit janë arrestuar në flagrancë 11 drejtues mjetesh dhe motomjetesh, nga të cilët 7 për drejtim mjeti pa leje drejtimi dhe 4 për drejtim mjeti në gjendje të dehur.

👉Janë pezulluar 39 leje drejtimi, nga të cilat 22 për shpejtësi mbi normat e lejuara dhe 17 për drejtim mjeti nën efektin e alkoolit apo në gjendje të dehur.

👉Si rezultat i kontrolleve intensive dhe denoncimeve të adresuara në Komisariatin Dixhital dhe në numrin pa pagesë 112, janë ndëshkuar me masë administrative, në të gjithë vendin, 1762 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.

➡️ Policia Rrugore apelon për të gjithë drejtuesit e mjeteve:

Mos shpejtoni, mos kryeni parakalime të gabuara, mos drejtoni mjetin nën efektin e alkoolit apo në gjendje të dehur, vendosni rripin e sigurimit dhe kaskën mbrojtëse, mos përdorini celularin gjatë drejtimit të automjetit, qëndroni në radhë kur lëvizja është e ngadaltë për shkak të fluksit të lartë të automjeteve, respektoni rregullat e qarkullimit rrugor, që të arrini në destinacion🏠 të sigurt dhe me patentë në xhep. Në çdo aks rrugor dhe qendra urbane ka patrulla të lëvizshme të Policisë Rrugore, me mjete të paloguara, dronë, kamera dhe aparate fotografike.

Ftojmë qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional.


Të fundit

Arrestohen 11 drejtues mjetesh, policia apel shoferëve: Mos fluturoni në rrugë për të arritur sa më parë detin

Policia e Shtetit ka bërë bilancin e 24 orëve të fundit dhe njofton se janë vënë nën pranga 11...

Kokaina në kontejnerin me banane/ Selim Çekaj kërkoi ndryshim të masës, GJKKO e lë në qeli

Gjykata e Posaçme kundër Korrupsionit dhe Krimit të Organizuar (GJKKO) këtë të shtunë ka lënë në fuqi masën e sigurisë arrest me burg për...

Zjarret në vend, Veliaj: Para 5-6 vitesh digjeshin të gjitha rrethinat e Tiranës, tani kemi ndërgjegjësim të qytetarëve

Krahas shkollës së re “Murat Toptani”, Bashkia e Tiranës ka rikonstruktuar rrugët “Sabaudin Gabrani” dhe “Leka i Madh”, te Njësitë 5 dhe 6 në...

Merr më shumë se Neymar/ Zbulohet kontrata e re me Leo Messit me PSG, ja shuma që do të përfitojë

Leo Messi do të shkojë te Paris Sant German, PSG. Mediat ndërkombëtare shkruajnë se ai ka arritur akordin për një kontratë dy vjeçare deri...

“Shumë të dhëna do të bëhen publike”/ Paralajmërimi i Lorenc Vangjelit para disa kohësh që u vërtetua nga vetë Berisha

Në një artikull tepër interesant para disa kohësh, analisti i njohur i Fjala.al, Lorenc Vangjeli rendiste një sërë argumentash duke rrëzuar teorinë që ndoshta...

Lajme të tjera

Web TV