Më shpejt sesa pritej nga Perëndimi, talebanët morën plotësisht në kontroll Afganistanin, ndërsa shumë shpejt pritet edhe krijimi i një qeverie të re.
Pavarësisht raportimeve se një delegacion i udhëheqësve talebanë dhe afganë do të nisen për në Katar për bisedimet e transferimit të pushtetit , ka spekulime se kreu i byrosë politike të talebanëve Mullah Abdul Ghani Baradar ka të ngjarë të jetë President.
Baradar është lideri politik i talebanëve pasi lideri i përgjithshëm është Haibatullah Akhundzada.
Presidenti aktual Ashraf Ghani dhe diplomatë të tjerë të lartë tashmë janë larguar nga vendi pasi talebanët morën kontrollin e Kabulit
Por kush është Abdul Ghani Baradar?
Baradar ka lindur në provincën Uruzgan në 1968, ndërsa ka luftuar me muxhahidët afganë kundër sovjetikëve në vitet 1980. Pasi rusët u dëbuan në 1992 dhe vendi ra në luftë civile midis komandantëve të luftës, Baradar krijoi një medrese në Kandahar me ish-komandantin e tij dhe kunatin e njohur, Mohammad Omar.
Së bashku, dy mullahët themeluan talebanët, një lëvizje e kryesuar nga dijetarë të rinj islamikë kushtuar pastrimit fetar të vendit dhe krijimit të një emirati.
Historia e jetës së tij flet vetëm për konflikt të pandërprerë dhe të pamëshirshëm të vendit si dhe prangosjes së përgjakshme.
I arrestuar në Pakistan në vitin 2010, Baradar u mbajt në paraburgim derisa presioni nga Shtetet e Bashkuara e liroi atë në vitin 2018 dhe u zhvendos në Katar.