Hapja e tunelit 5 në nyjen ‘Shqiponja’, Rama publikon pamjet: Si do lidhet autostrada me hyrjen drejt qendrës

113 563 lexime

106,048FansaPëlqeje

Tuneli 5 tek rrethrrotullimi “Shqiponja” në Tiranë është hapur duke filluar që nga dita e djeshme. Kryeministri Edi Rama ka publikuar një video në rrjetet sociale dhe shkruan se ky tunel bën lidhjen e drejtpërdrejtë të autostradës me hyrjen për në qendër.

“Nyja ‘Shqiponja’, Ky është tuneli numër 5 i hapur për qarkullimin e automjeteve në nyjen “Shqiponja” dhe lidhja e drejtëpërdrejtë e autostradës me hyrjen për në qendër”, shkruan Rama.

Dje është hapur për qarkullimin e automjeteve tuneli numër 5 në ish-sheshin ‘Shqiponja’, duke lehtësuar në këtë mënyrë qarkullimin e automjeteve të Tiranës.

Ministrja e Infrastrukturës dhe Energjetikës, Belinda Balluku, tha gjatë inspektimit se kjo do të jetë rrjedha definitive e shpërndarjes së trafikut në sheshin ‘Shqiponja’. Tuneli 5 mban drejtimin e mjeteve që vijnë nga Durrësi dhe kalon për në Astir. Sipas ekspertëve, automjetet që vijnë nga Durrësi për në zonën e Astirit do të kalojnë në tunelin 5 dhe pasi dalin nga ky tunel, kalojnë te ura e lumit Lanë, pra tek loti numër 2. Ndërsa tuneli 3 që deri më sot devijonte qarkullimin për në zonën e Astirit, nga 3 shtatori do të shërbejë në krah të kundërt, pra për të drejtuar trafikun drejt Durrësit.

Viti 2021 do të sjellë edhe përfundimin e punimeve në ish-sheshin ‘Shqiponja’ si edhe të Lotit 2 që ka të bëjë me nyjen e Astirit, gjë e cila për kreun e ARRSH-së, Evis Berberi do të minimizojë maksimalisht trafikun. Në një intervistë për Report Tv Berberi tha se hapja e këtij tuneli ka sjellë një lehtësim të trafikut, ndonëse radha e gjatë e makinave që vijnë nga Durrësi në drejtim kryeqytetit është prezente, kjo sipas Berberit, jo për shkak të mungesës së informimit të qytetarëve.

Lexo edhe :  COVID-19/ Rriten shifrat e të infektuarve, 1054 raste të reja dhe 3 viktima në 24 orët e fundit

Ai tha se ka një numër të shtuar të qytetarëve që duan të vijnë në Tiranë, pasi jemi në periudhën e kthimi të studentëve dhe të pushuesve. Punimet janë në fazën përfundimtare, dhe Berberi dha informacione mbi detajet e rëndësishme që pritet t’i shtohen kësaj rruge, duke nisur nga korsi dedikuar emergjencave apo prezenca e 8 semaforëve për të për të shmangur fluksin.


Të fundit

Ishte zhdukur prej 14 orësh, delfinët shpëtojnë të riun në Irlandë

Një notar që besonte se kishte humbur në det, ka treguar së fundmi momentet shokuese kur besonte se u...

Hapja e tunelit 5 në nyjen ‘Shqiponja’, Rama publikon pamjet: Si do lidhet autostrada me hyrjen drejt qendrës

Tuneli 5 tek rrethrrotullimi “Shqiponja” në Tiranë është hapur duke filluar që nga dita e djeshme. Kryeministri Edi Rama ka publikuar një video në...

Teoritë konspirative, epidemiologu Alimehmeti: Vaksina nuk ndikon në fertilitetin e meshkujve ose femrave

Epidemiologu Ilir Alimehmeti ka dalë kundër teorive konspirative se vaksinat anti-COVID ndikojnë në fertilitetin e meshkujve apo femrave. Përsa i përket vaskinimit të nënave shtatzëna,...

FIFA mendon për Europian dhe Botëror çdo 2 vjet, UEFA kundër

FIFA po studion një revolucion që mund të nisë në 2027-ën. Zhvillimin e kampionateve Botërorë dhe Europianë, ( si dhe turnetë e tjerë kontinentalë,...

Lajmi se SHBA do kthejë në Kosovë afganët që kanë lidhje me grupe terroriste, reagon ambasada amerikane

Ambasada amerikane në Kosovë, përkatësisht Sektori për Diplomaci Publike, hedh poshtë lajmin e prestigjiozes ‘NBC News’, se SHBA do të kthejë në Kosovë afganët...

Lajme të tjera

Web TV