Alfred Lela: Rama me kabinetin më femëror në botë, bëri të kundërtën e pritshmërive

113 563 lexime

124,178FansaPëlqeje

U formua qeveria e re “Rama 3” me konfirmimin e disa ministrave të kabineteve të mëparshme dhe me katër ministra të rinj. Si i vlerësoni zgjedhjen e Ramës?

Një gjë është e sigurt: Rama ka kabinetin më femëror në botë. Pra, kur vjen te balanca gjinore Shqipëria i thyen të gjitha rekordet. Nëse nuk jemi të sigurtë për cilësitë e tjera të kabinetit, mund të thuhet se ajo siguri që mund të na mungojë neve, nuk i mungon Ramës. Përndryshe pse do t’i kishte bërë ato zgjedhje. Duket sikur Rama ka krjuar dy qeveri, atë në parti dhe atë në Këshillin e Ministrave. Nëpërmjet kësaj kundërvënieje ai shpreson të prodhojë një qeveri efikase.

Shumë prisnin që Rama të rinovonte kabinetin edhe për imazh, pasi edhe vetë në deklarata publike këmbëngulte se një ministër nuk duhet të qëndrojë më shumë se pesë vite. Përse kjo lëvizje e Ramës? A ka tentuar të ruajë balancat ekzekutiv-parti?

Duket sikur z. Rama ka duruar sa të ngrihej diga e pritshmërive publike dhe më pas ka bërë të kundërtën. Si ai lojtari që kur ia lexon dorën bën një lëvizje të papritur/pa parashikuar. Ai vetë pat folur për ‘një stol të gjerë rezervash’ dhe këtë ka bërë, me sa duket. Një ‘stol kërcënues’ ua bën jetën të vështirë atyre që janë në fushë. Ramës i intereson, sigurisht, autoriteti i tij të cilin e ka vendosur përfundimisht dhe gjerësisht. Mund të thuhet se Edi Rama është kryeministri më pak i kërcënuar në historinë e tranzicionit. Një kryeministër-mbret.

Kryeministri bëri një lëvizje të fortë sa i takon pjesës drejtuese në parti. Taulant Balla nga më i votuari si deputet, lëvizi nga posti i Sekretarit të Përgjithshëm të PS-së, madje edhe nga qarku Elbasan si drejtues politik në Fier. A është një strategji e Ramës për të mos pasur “superdeputetë” që bëjnë “presion” me mbështetjen lokale?

Lexo edhe :  Shkencëtarët gjejnë një hormon që mund të jetë shkaktar i autizmit

Ndoshta vetëm zonja Linda Rama e di se çfarë ka patur në mend z. Edi Rama me atë lëvizje. Rama ndau edhe dy funksione që shihen si tradicionalisht të lidhura, atë të Sekretarit të Përgjithshëm dhe të kreut të grupit parlamentar, duke i lënë Ballës këtë të fundit dhe …Fierin. Nuk mund të thuhet se Balla e kërcënon, apo i shkonte mendja të rivalizonte Ramën. E gjitha mund të jetë më e thjeshtë se sa e bëjmë ne: I duhej një post për të akomoduar Damian Gjiknurin. Përjashto ministrin, çfarë tjetër mund t’i ofronte pëveç aksesit të pushteti i lartë partiak.

Lindita Nikolli u propozua si kandidate për Kryetare e Kuvendit dhe njihet për një natyrë të qetë. Si e shihni që Parlamentin e drejton një grua për herë të dytë?

Një grua katolike sidomos, duke marrë kështu nga regjistri politik i demokratëve. Rama është akuzuar si kryeministri që ‘e lë pas dore Veriun’, të paktën sa u takon investimeve. Gjithashtu edhe përfaqësimit politik. Në triumviratin në krye të shtetit nuk kishte asnjë gegë gjatë mbretërimit të Ramës. Këtë e ndreq me Nikollën. Rama kërkon të bëjë edhe kontrast, ma merr mendja. Një opozitë e ashpër, sa kohë në Kuvend do të jetë Berisha, së cilës i përgjigjet me një grua të panjohur për eksese në zë apo veprime. Një përzgjedhje e natyrës simbolike. Edhe po të kujtosh këtu se prurjet, me emra dhe gjeografi, e ngjashme me Nikollën në Partinë Socialiste kanë qenë, thuajse të gjitha, problematike.

Të fundit

Meloni zbulon bisedën me Makron për propozimin e dërgimit të trupave në Ukrainë

Kryeministrja italiane Giorgia Meloni ka zbuluar se i shprehur presidentit francez Emmanuel Macron mospajtimin e saj me komentet e...

Itali/ Ngarkesa 1 ton shkëputet nga vinçi dhe zë poshtë shqiptarin , humb jetën në vend

Një shqiptar 52-vjeçar ka humbur jetën në Itali ditën e sotme pasi një ngarkesë me materiale elektrike, me peshë rreth një ton, u shkëput...

‘Me floririn e Kërrabës ka minierë në Kongo’/ Avokati për Ilir Metën: I sëmurë psiqik…

Avokati Idajet Beqiri tha në Studio Live se Ilir Meta mori floririn e Kërrabës dhe tashmë ka blerë një minierë zinku në Kongo, me...

Gruaja përballet me burg pasi tha se ‘salca e domateve është tepër e ëmbël’ (FOTOT)

Një vajzë përballet me deri në shtatë vite burg pasi dha një vlerësim kritik online ndaj një produkti ushqimor në Nigeri. 39 vjeçarja Chioma Okoli,...

Çfarë po ndodh? Dy bashkëpunëtorët më të ngushtë të Mitsotakis japin dorëheqjen

Ky zhvillim vjen në një moment kur në parlament debatohet rreth mocionit të mosbesimit ndaj qeverisë që kanë dorëzuar 4 parti opozitare me nismën...

Lajme të tjera

Web TV